ياتتأهلون بمستوى مشرف والا مانبى التأهل وهذا اللى صار ..لعلها درس لاعداد جيل جديد مبكر للمنتخب

[ރالزيــاديރ]

الاسباب الرئيسة لـعدم التأهل ..
- فرص ياسر القحطاني الاكثر خطورة وسهولة

هجمة ياسر بس

وبعدين ماقصر فيها اكل له مدافع وشاتها بسرعه ولاتنسى انه قدامه ثلاثه

وليه ماقلت ناصر الشمراني اللي مايناول للي معه ولا دخلتوا الهلال سبب من اسباب الخسارة

ياخوي اذا بنقيم مستوى اللاعبين محمد نور ويجي بعده ياسر هم اللي كأنهم بدعوا

والباقين ياكلون رقاع


برايفت:

ياشين صوت المعلق يازيني ويازين عتيبه ويازين صوتي<<<ميت ضحك

[سيوف]

<< من وانا ورعه واعرف علم الكوره << كلبوا بيتهم يحبون الكوره ع راس جدتها

المهم ياربي لك الحمد الحين الواحد يفضي نفسه يشجع له منتخب سنع في المونديال القادم

<< دايم متحمسه معهم ع بالها يبون يجيبون كاس العالم

<< فاصل للبكاء

<< ماشافت المباراه رفيقاتها قايلات لها لاتعبين نفستس معه << مافيهم طب << فالهم كاس الخليج ويخب بعد

هاه والي ماتربى نربيه

برايفت :

للبدر هالحين يومنك حاط دوبك دوب الهلال انت وش امر الله علاك << انشغل يااخي بفريقكم اظنكم تجيبون قطعة كاس ولاشيء

للهلالين اصمدوا اما تيار النصراويين والله معكم

،،،

[البّدر]

المشاركة الأصلية كتبت بواسطة سيوف برايفت : للبدر هالحين يومنك حاط دوبك دوب الهلال انت وش امر الله علاك << انشغل يااخي بفريقكم اظنكم تجيبون قطعة كاس ولاشيء للهلالين اصمدوا اما تيار النصراويين والله معكم ،،،

"

وش انا قايل .. ؟ !!

[البّدر]

المشاركة الأصلية كتبت بواسطة الزيـــادي الاسباب الرئيسة لـعدم التأهل .. - فرص ياسر القحطاني الاكثر خطورة وسهولة هجمة ياسر بس وبعدين ماقصر فيها اكل له مدافع وشاتها بسرعه ولاتنسى انه قدامه ثلاثه وليه ماقلت ناصر الشمراني اللي مايناول للي معه ولا دخلتوا الهلال سبب من اسباب الخسارة ياخوي اذا بنقيم مستوى اللاعبين محمد نور ويجي بعده ياسر هم اللي كأنهم بدعوا والباقين ياكلون رقاع برايفت: ياشين صوت المعلق يازيني ويازين عتيبه ويازين صوتي<<<ميت ضحك

"

والهجمة السهلة .. قدام كوريــًا .. !!!!!

[مآعآد لي خآطر]

^

ويك ويك ويك هذا منتخبنا فاااااااااشل طول عمرهـ

[..{غ ـير البشـ}ـر..]

عجبني المسج هذا

كيف تأهل منتخب السعودية الى نهائيات كأس العالم :
94
هدف سامي في ايران
98
هدف سامي في البحرين
2002
هدف سامي في تايلاند
2006
هدف سامي في اوزبكستان
2010
عفوا لا يوجد تأهل فقد اعتزل الاسطوره
































الحين مافيه حمـآس ..

الوآحد فيهم يلعب وهو بآرد وينتظر الكوره تجيه

الحمدلله انهم ماتأهلو علشان مايفشلونا

[ރالزيــاديރ]

94م أخبر أنه ماجد عبدالله بالكويت يوم سحب الحارس

[..{غ ـير البشـ}ـر..]

عاد هذا المسج اللي وصلني :)<منمسحه الذآكره عندي مذكر شي

والمهم ان كل تأهلات المنتخب كان الذيب فيها :(

يعني ننسى كأس العالم :(

[ރالزيــاديރ]

غير البشر لا صح عليك يا ذيب

بحثت عن الرساله هذي شفتها مثبتها وصحيحه


كلها سامي

[سلمان]

لا والله موب علشان سامي معنا

علشانا نعطي كديش فرصه

ثانيه

منتخبنا ما يستاهل يروح كاس العالم من اولها

تعادل مع ايران في السعوديه وفاز على ايران في ايران

فاز على الامارات في ارضهم ويا الله فاز على الامارات في السعوديه

انهزم من كويه الجنوبيه في السعوديه وتعادل معهم في كوريا

كوريا الشماليه هزمتنا في ارضهم وتعادلنا معهم في السعوديه


يعني غريبه وش ذا المنتخب الي مستواه يقل في ارضه

في ال2006

مافيه منتخب في التصفيات قدر يفوز علينا او حتى يتعادل معنا في الرياض


انا الصراحه شفت امس شوط واحد

وتركتهم
منتخبنا بلاعبينه ذولي

ما يستاهلون يلعبون في كاس العالم بصراحه
لو مافيه وليد العبدالله مدري وش كان بيصير

بنطلع مضحكه

وبيسيرو

الاعبين الي في المنتخب

اختارهم بنا على وش

مالك معاذ موب في مستواه وتوه طالع من اصابه
ملينا من انانية ناصر الشمراني هداف الدوري
تيسير الجاسم موب في مستواه الي في السابق
عبدالله شهيل جاب العيد اكثر من مره في سؤ التغطيه
ياسر مع احترامي له موب في الفورمه
وحسين عبدالغني ايضاً
المنتشري لوني في مكانه والي سوته له رعاية الشباب
كان جبت الهدف في السعوديه موب في البحرين



بس وش نقول هاذي الخطط المدروسه

منتخبنا مافرقت معه بيسيرو ولا الجوهر

نفس الكديش الي كانو مع الجوهر نفس الكديش الي مع بيسيرو

المنتخب ماشوف الي يستاهلون يلعبون فيه الى محمد نور والزوري واسامه هوساوي ووليد العبدالله بصراحه
على الاقل لعبو نفس لعبهم في فرقهم



وبس



وزي ماقلت
بعيد عن العاطفه

منتخبنا ماقدم في كل التصفيات
الى مباره وحده تليق فيه

يوم كسر خشم احمدي نجاد في طهران
بس