سجل حضورك اليومي ببيت شعر او حكمه

[نبع الوفا]

ترك عشير عشرته يوم او دون
ثم يبدل بك عشير وينساك

شف لك قطامي على السد مامون
درع القفا ما ينهض الراس لحذاك

اللي الى اوحى الناس فيكم يهرجون
حامي على عرضك ويدمح خطياك

[مآتبآدلنآ آلعطآ]

^
وعليكم السلام والرحمه
صباحك رضاء وسعادة ان شاءالله

سقت رجلي في هواك وفي دروبك
وانت رجلك سقتها في البعد منـي
ليت قلبي مايتل السبـق صوبـك
او جروح القلب تبرى بالتمنـي!!

[نبع الوفا]

بعض البشر مثل النجوم المراهيش
انوارهم تزهي بالافراح بشه

افكارهم ري العقول المعاطيش
في الدين والدنيا للاخيار هشه

وبعض البشر عقله من التبن والخيش
لوزان شكله داخل الراس عشه

[نبع الوفا]

الرفقه اللي مالها ساس ووصول
اتلى تلياها تروح بسهوله

مثل الذرور اللي على راس غرمول
اول مهب يعترض له يزوله

والفعل ما يطلع على مستوى القول
يقول قول ما يطبق فعوله

والفرق في الافعال,, ماهوب في الزول
والا ترى اطيب ما من الثور زوله

لو غرّهم زوله,, وحطوه مسئول
صاروا مثل راع الغنم ومخيوله

ثوب على جسم على شبه مخيول
ودايعه يفرسهن الذيب حوله

[نبع الوفا]

احرص عن الزلات في كل الاحوال
لا تنخدع باللي يعلج اللبانه

ما يفتري ويشين الناس رجال
راع الحكي بالناس خله وشانه

عليك باللي بالمهمات سردال
ليث مثل من حط قوسه رهانه

انت وانا نبعد عن القيل والقال
كم واحدٍ يا ذيب ضره لسانه

[نبع الوفا]

لا تستشير الا صديق يودك
في الله صافي السر مامون عاقبه

وترى شور ما لا يستشيرونه الملا
شمعه نهار في ضيا الشمس دايبه

وأرى النصايح في البرايا فضايح
وكم ناصح اضحى له الناس عايبه

[مآتبآدلنآ آلعطآ]

الحبيب ان غاب زوله او حضر
مايحب القلب محبوب سواه

[نبع الوفا]

اضرب طريق الخير واسلك مسيره
ولا تلتفت للناس عوجاه واقداه

ولو طال عمرك عارف وش مصيره
ازبن ولي العرش واتعب على رضاه

وأد الفروض الاوله والاخيرة
واضف لهن مخافة الله ورجواه

[نبع الوفا]

تكلفك بامر ما يخصك جهالة
وتبعدك عما كان يلزمك له قافي

ولا تصافي كود حيد صميدع
غيور على الصاحب نصوح وميلافي

ولا تلوم النفس في جاري القضا
مالك عن المقسوم يالعبد مكافي

يا شرهل المعروف منك بتواضع
وهل الشر باشرهم بشر وتستافي

[نبع الوفا]

عادة لسان قليّل العرف مسموم
يجرح شعور محكّمين الضماير