قصيده ربعي من نظمي

[الضاحك الباكي]

اليكم القصيده بعد تعديلها

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياقاف شعري لاتوقـف ثوانـي = ادخل بحورالشعر واجمل معانيه

وعطني جميل المفردات السماني = الجزل في لفظه كبيـره معانيـه

ابكتب حروف من فؤادي حساني = للي غلاهم مابـه احـد يساويـه

ناس لهم في القلب كل المعانـي = اكبار قوم قروم باكمـل نواحيـه

ربعي كرام وسط جوف المحاني = يضمهم قلب على الطيب رابيـه

ربعي هل الطولات واهم الرزاني = ماجت لهم زله والا شيئ توحيـه

ربعي على وضح النقا والتفانـي = يسعون لعلوم المعـزه وراعيـه

افعالهم بانـت طـوال اليمانـي = وقفة اخوه بينهـم وافتخـر فيـه

العقل فيهـم والثبات اتزاني = ياطيبهم بالصدق والقـاف يمليـه

فخرن بنوه مخضبيـن اليمانـي = يشهد عليهم فعلهم كـان توحيـه

يوجهون الطيب والحـق بانـي = توجيهم للطيـب بانـت مواريـه

وانا احمد الله ماني اليوم جانـي = قافي نظمته صدق ماحدن يجاريه

قافي اليـا منـه تولـع ثوانـي = جتني شياطينه تسابـق لداعيـه

اصيغ قاف عالي يوم جاني = يشدي به البلبل وغنت خباريـه

خص اليا منه كتب مـن كيانـي = والقلب عبر عن شعوره وطاريه

اعبر بعذب صدر مـن لسانـي = ولاني انا بايع وانا اليوم شاريـه

الطيب في ربعي يخطه بناني = يسمو ويعلوا فوق عيني تراعيـه

جملة نشامى يسعـدون اللسانـي = يابخت من حطت ركابه باراضيه

ذولا ترى ربعي لهم وضع ثاني = افخر بهم وافعالهم سجلـت فيـه

يقولها الضاحك لفـظ بالمعانـي = يوم اقبلت في تالي الليـل تاتيـه

تسابق ابها خاطـري والمكانـي = سجات قلبي يطربنـي نواصيـه

ابحرت في بحر به الـدر كانـي = لولو ومرجان وزمـرد جوانيـه

وجنيت منه القاف يومـه لفانـي = وعبرت تعبير طلع من محانيـه

قاف بحرف اليا دعيته وجانـي = وانهيت تالي البيت و الهاء بانيه

در من الالمـاس خطـه بنانـي = جزل القصايد في النشامى نغنيـه[/poem]