البيت والخادمة ..

[خيّال الهيلا]

المشاركة الأصلية كتبت بواسطة بنت شمرالطنايا مسالة الخدم مسائله شاكه للاسف اصبحت ظاهرة الخدم منتشره بالسعوديه بشكل ملفت لنظر يعني اللي عنده ظروف تجبره انه يجيب خدامه هذا عذره معه اما والله عشان البرستيج والكشخه وتترك عيالها بيدين خدامه لا والله هذي مو ام هذي مجرمه الامومه شي كبير انا استغرب من اللي طالعين لي بها الموضه نبي نسوي رجيم يعني تبين تنحفين وانتي قاطه كل الشغل على الخدامه بس اكل ونوم حتى الماء هي تجيبه لك التفتي لبيتك وعيالك ومطبخك وانتي مو بحاجه لشي باذن الله انا والحمد لله ربيت بيتنا وعمرها امي ما فكرت تجيب خدامه ولا راح تفكر وانا بعد اذا تزوجت مستحيل افكر اني اجيب خدامه الا اذا اضطرتني الظروف وان شاء الله ما احتاجها اصلا حتى بالحركه بركه وبعدين الشغل بالبيت مو ذاك الصعوبه يعني مقارنه مع قبل والله جيلنا جيل مرفه عندنا جداتنا ان شاء الله نصحى لنا يوم ونلقى هالظاهر تلاشت من مجتمعنا يعطيك العافيه اختك بنت شمر الطنايا

الله يعافيك ..
وجودك يابنت شمر اضاف الكثير للموضوع شكرا لك ولرأيك..
مثل ماقلتي الأمور اصبحت موضة وفشخرة قبل ماتكون حاجة ماسة لذلك..
والله يكتب الخير لمجتمعاتنا ..

[نجم سهيـل]

الإعتماد على الخدم أصبح بالنسبة لربات البيوت بحاجة أو بدون حاجة
وأصبح برستيج أكثر منه حاجة
مشكور خيال الهيلا على الموضوع

[خيّال الهيلا]

اختصرت لب المسألة نجم سهيل ..
شكرا لك يالغالي ..

[إبن ثعلي]

ليس كل البيوت ياخيال الهيلا لديها خادمات , كثيرون الذين يستهجنون وجودهن حتى في بيوت الأخرين,وكثيرون الذين لايأكلون من الطعام الذي تعده الخادمه , الخادمه ان كان هناك ضروره كمرض ربت البيت او كثرة ابنائها او مرض بعضهم ,فهذا لاباس فيه لتساعد على بعض الاعمال , لا أن تتولى كل المسؤوليات, اذ لا يصح ابداً ان تكون للتباهي او موضه تتخذ من قبل ضعاف العقول0
وتحياتي لك

[م الرويس]

اخوي خيال اشكر على الموضوع ....

ـــــــــــــــــــــــــــــــــــ

الخدم قديماُ كان للحاجه يعني قبل كم سنه اما الان فهم لرفاهية لا اكثر و لا اقل

وبناتنا صاراُ كسولات بمعنى الكلمة ...

تحياتي لك اخوي

[غزال الرافدين]

أما أني بغسل مستحيل جدا وأذا زوجي ماجاب شغاله،،،‏ وحده من ثنتين يغسل كل شي له بعده يعني حتى ملعقته وشوكته،،،،

وأنا أغسل أغراضي بعدي،،، الله يعيني،،،


أما بغسل شي صابون وشي مطهر وشي كلوركس ثم أبدا أطبخ شي بصل وشي ثوم وماخفي كان أعظم،،،
مستحيل،،، وأذا ماكو أمل يجيب شغاله عادي يطلقني وأقعد عند أمي أكل واشرب وأقشر أيديني وشي كريمات وشي عطورات وألف بنت تتمنى تكون بمكاني وأذا مديت يدي على صحن كل الحريم يرجعون أيدينهم عشان أيدينهم متشققه ومتجعده أنا ماعندي أستعاد أطبخ أبد الحين ريحة الأكل الخالص ماتعجبني أتسبح بعدها وأرش عطر أجل كيف أنا بطبخ وبعسل وين حق نفسي علي


بالأصل ليش نتزوج مو لازم الزواج أعتبر كماليات في الحياه أهم شي المظهر وأذا الزواج بيخرب برستيجي مو لازم أتخلى عن شي أساسي على حساب كمالي،،،


أتمنى ماتلغون أو تعدلون في ردي عشان ماجاء على هواكم،،، وأقبل النقاش بدل التعديل

تحياتي

[شذى العصمه]

بدايةً الخادمات من عهد الصحابيات و ومانقدر نقول وجودهن ظاهرة جديدة أبداً صحيح توسعنا في الإستقدام من جميع البلاد وهذا هو الشيء اللي تغير ..

وجود الخدم ضرورة لأن مشاغل الحياة في تزايد خصوصاً اذا كانت ربة المنزل موظفة او كبيرة في السن .. مشكلتنا مازلنا نقارن زمننا بزمن غيرنا .. قبل لبس واحد لبسين خمسة بالكثير قبل صحنين وقدر .. الحين الدواليب مليااانة و المطبخ كله مواااعين .. و الوحدة لاخلصت من الشغل مافيها حيل لا لزوج و لا ابناء و لااا احد .. :)

الخدامة مشكلة إذا سلمت الخيط و المخيط .. لكن غير ذلك فهي نعمة !
وما اعتقد راح يكون لها أي سلبية اذا رفضنا شيئين :
- اولاً تسليمها تربية الطفل او حتى تلبيسه وتنظيفة ..
- ثانيا ً سوء المعاملة معها .. أو إعطائها كامل الحرية .

اممم

قبل مدة كان عندنا ندوات تخرج وكل مجموعة تسلم موضوعها اللي بتتكلم عنه للدكتورة رئيسة القسم عشان تؤخذ الموافقه .. اللي حصل فيه بنات كانت مواضيعهم عن وجود الخادمة في المنزل ,, وكانت ردة فعل رئيسة القسم الغضب و الرفض ! وطلبت منهم إقصاء هذا الموضوع نهائياً لأن الخادمة ليست مشكلة بل المشكلة في تعاملنا وطريقتنا .. وسألت صاحبات الموضوع قالت عندهم خادمات قالوا : إيه


شكراً يالخيّال وعذراً ع الإطالة

[خيّال الهيلا]

ابن ثعلي..

آيدك في بعض الكلام وأخالفك في بعض الكلام.. خصوصاً حصر الاسباب..
الخادمة لها فائدة ان كانت في موضعها المناسب ..

وان قدرت الاسرة على اعطاءها المهام المناسبة .. شيء طيب ..
لكن التكليف بكل شيء او كماليات مظهرية !
هذا اللي مانرغب فيه ..





الرويس ..

كلام سليم ..
شرفت يالغالي .. وشاكرين لك ..

[خيّال الهيلا]

بنت شمر..

لا وش دعوى نعدل بردك ونمانع نقاشك..
هذه وجهة نظرك وهي لك .. لكن بشكل عام وجهة نظر سلبيه لك ولمن حولك ..

مافي شيء اسمه بالزواج .. هو يقضي اغراضه بالبيت بنفسه
وهي تقضي اغراضها بالبيت بنفسها ..

الزواج يالاثنين يتشاركون مع بعض وبدون تقسيم ..
او بتكون فيه مشاكل تستمر وتتواصل .. فاللي ماله قدره على تأديتها..
يبحث عن اي طريق ممكن يريحه قبل مايخرب الزواج بسبب عدم خراب البرستيج!



شذى العصمه ..

ما اختلف معك حول كلامك او حول النقاط اللي ذكرتيها ..
لكن نرجع ونعيد ونذكر .. ان الخادمة وجودها واجب يكون بعيدا عن المظهرية والفشخره!

بأمانه شغل البيت تعب .. لكن صرنا نلاحظ بالبيوت .. كل شيء على الخدم ..
وهنا نقطة يجب الاهتمام فيها ..

فما هي فقط مسألة التربيه او التدخل في الامور الشخصية..
انا ارى افضل ان تكون الامور مساعدة ومشتركة بين اهل المنزل وبين الخادمة ..
من ناحية الطبخ والنظافة وبقية الامور ..
فلا تكون الخادمة مجرد منفذ لكل شيء وربة المنزل ماتسوي اي شيء
ولا تكون الخادمة بيدها دفة القيادة للمنزل بشكل عام

[سداوية قطر]

مشكور على الموضوع

تقبل مروري