ذكريات رمضان الطفوله ..............

[سيوف]

المشاركة الأصلية كتبت بواسطة البّدر [align=center] " بـ انتظرر ذكريات شمُوخ .. دايم سوالفها كلها اكششـنً .. صفحة رجعتنـا لـ وراء .. لـ رمضان زمان وايامه الحلـُوة .. لي رجعـة من تاني .. شكرا ً سيٌوف يام الافكار .. [/align]

حيالله شموخ وسوالفها :37:

وانت وش افهم من تاني :59:<< جاده هالمره

،،،،،،،،،،

[ރالزيــاديރ]

ذكريات جميله قرأتها هنا...
والسلوك العتيبي واضح في كل ذكريات قريتها من شقاوة ولحس قدور

انا كنت اكل الرقاق حتى الوالد طفش يقول هذا عنز ماهو آدمي:85:



راح اقول لكم قصتين هذي وصايه لسيوف



سلطان المدلل كان يروح العصر في رمضان للمزرعه يقول العب بخراطيش المويه وجدي الفلاح بالمزرعه ويقول اذا قرب الأذان اروح اجلس على صخره انتظر المؤذن اللي هو جدي الله يرحمه يركب الحمار ويروح للمسجد يأذن وكان سلطان يوصي جدي يجيب له سمبوسه من شخص هو الوحيد اللي حرمته تعرف تسوي سمبوسه وياخذ السمبوسه جدي ويحطها بجيبه علشان يعطيها سلطان واذا جاء بعد الصلاه اعطاها سلطان ينفضها من الغبار وياكلها ويقول سلطان اتذكر طعمها جيدآ لذيذه..<<محروم وش تبيه يقول..

ابوي كان متحضر شوي لانه كان يحب السفريات ويعرف المكرونه ويعرف السمبوسه

مره جاب لأم سلطان عمتي:102: رقاق ولحم مفروم يبيها تسوي سمبوسه المهم عمتي اللي يطول بعمرها اخذت الرقاق واللحم المفروم وحطته بالصاج يعني مثل ماهو ماتحشي الرقاق لحم لا كله على بعضه وتحركه كانها تسوي شكشوكه:D
فأبوي انصدم وجلس يضحك على الاكله الغريبه..والشعيريه كانت تاخذها وتحط عليها طماطم وصلصه وبصل كانها تسوي مكرونه:111:
ومره جاب ماجي اكلها سلطان يحسبها حلاوة شوكولاته وابوي قال له: وش تاكل قال :اكل حلاوة

قال ابوي:كيف طعمها

قال سلطان:شكلها منتهيه:o
يقول سلطان اول مره اشوف ابوي اللي دايم معصب منفجر من الضحك

[ރالزيــاديރ]

اما جيلي انا مافيه بداوهشعيريه يحطون عليها طماطم:85:

المهم
كنت برمضان اصوم اللين العصر وتاكلني امي بالقوة عاد لمن كبرت شوي وصوتي راح جهوري قالوا صوم يابدر
والله كانت اخلاقي تقفل العصر حتى مره كنا جالسين على السفره والجوع بلغ مني مابلغه

اقول هذا المؤذن شكلي بروح لبيته أسحبه للمسجد:59: كان ابوي يضحك علي كثير على السفره لاني كنت افقد قدام الاكل

ومره كنت بأول متوسط كنت قليل حياء افطرت بالديره يعني صمت تقريبآ عشرين يوم وخربتها من وسوسة ولد خالي
رحنا للبيوت الطين معنا بسكوت بالسمسم وبيبسي وفصفص <<تحس ماهو جوع ورعنه
المهم وجلسنا ناكل ونتوزع الفصفص المهم شافتنا بنت خالي وراحت تركض لأبوها وعلمته وجاء خالي وقال ياكلاب رمضان تعالوا
ونحلف والله ياخالي ماافطرنا انا اقوله ماافطرت وافصفص قدامه:85: من الخوف مااحسب لتصرفاتي وكفخنا تكفيخ بس حسيت بعد الضرب اني غبي افصفص واقوله مااافطرت عن جد استاهل الضرب
وبنفس اليوم ذا انضربت مرتين لاني بالليل كنا جالسين بسيارة خالي وهي سيارة عمله لانه يشتغل بمكافحة المخدرات والسيارة مصادرينها من بياع..المهم وانا ولد خالي كنا نتفحص الاسلاك وحصلنا كيس حبوب بين الاسلاك وعليه لزق ورحنا لخالي مسوين اننا جبنا لك الغنيمه واننا مؤدبين خالي اخذها وحسبها حصلها 28 حبه جاء بباله انها ثلاثين وانا ولد خالي كل واحد اخذ حبه
وضربنا مره ثانيه اليوم ذاك احسه عقوبه من الله :(

[اصايل]

سبحان الله


دايم ذكريات رمضان غير عندنا كلنا


انا لو احكيلكم ايامي جاء الصبح ماقضيت :)


اكشنات ومغامرات واشياء واجدااااااااااااات :)


سيوف


بكون متابعه لذكرياتك


لاهنتي

[سلمان]

الزيادي هههههههههههههههههههههههههههههههههههههههههههههههه
كل السوالف ذي كوم

وسالفه تبرهن السلوك العتيبي
اخيراً لقيت احد مثلي يومه صغير مقتنع ان الماجي حلاوه ههههههههههههههههههههههه
لي رجعه

[الجُمـــانه]

أيه ذكرت سالفه رمضان اللي فات قلت لابوي بروح أصلي معك تراويح أهم شي يالله طاع قالي بسرعه ولا رحت عنس والبس ورحت لغرفه أختي باخذ شب شب و ألبسه وانا مستعجله أنا طلعت ولا أنا زالقه "طحت " والله ما أهتميت أخاف ابوي يروح عني يوم وصلت المسجد دخلت حق الحريم وصليت ويوم سجت يغيت أموت من الوجع لا شعوري قلت أي " من الألم يوم طلعت من المسجد ورحت للبيت ولا ركبتي كلها زرقا قعت أسبوع توجعني

[البّدر]

[align=center]

"
بـ انتظرر ذكريات شمُوخ .. دايم سوالفها كلها اكششـنً ..
صفحة رجعتنـا لـ وراء .. لـ رمضان زمان وايامه الحلـُوة ..
لي رجعـة من تاني ..

شكرا ً سيٌوف يام الافكار ..
[/align]

[سيوف]

المشاركة الأصلية كتبت بواسطة abosaad تهديد ما عندك وقت..الناس صائمين!!! ارفقي علاهم ياسيوف...تراكم هالايام تخوفون!! من الكويت لنجران للصين وغيرها من الدول..شب ضيان الله يكافينا الشر ما عاد فيه تفاهم ههههههه انهج هات السالفه.>>>>> اليوم كنت مع مجموعه من الاصدقاء نسولف عن رمضان منول ورمضان هالحين قلت لهم ما فيه وجه مقارنه بين الماضي والحاضر منول ابو زنان ويالله دوبه المطوع يشوف الحرف..المهم ابا اقصرلكم السالفه..كانوا الناس منول يتفقدون بعضهم مع بعض ويسجلون الاسماء عند الامام على شأن التحضير فجرا ورمضان الله يشرفه من زمان إذا جاء الناس ماتنام الا بعد الفجر...كان فيه واحد مثل اخونا سلمان شوي فيه حب الدعابه ..والمؤذن يقرأ الاسماء والامام ماسك السراج على شأن المؤذن يشوف الاسماء وقام المؤذن يردد اسم واحد اكثر من مرة ولا فيه من مجيب المهم شافه الامام من بكره وقال له وينك البارحه ماصليت الفجر قال الرجال مصلي بس نمت وانا ساجد وما قمت الا طلوع الشمس حتى اهلي انزعجوا لأنني ما جئتهم الا مصيف.. الامام كل يوم يحضر والجماعه ودهم يتخلصون منه ..قال واحد عندي فكرة..وراء ما نقول للمؤذن يحضر المطوع مع الناس ليش هو مايصلي..طرحوا الفكرة على المؤذن قالهم "ازهلوه" الليلة اسمه تلقونه يرن..الشباب ماصدقوا خبر جاؤا كلهم للمسجد فجرا والمؤذن يهز راس يعني اتركوه علي...جاء الامام ويرفع السراج على شأن المؤذن يشوف الاسماء والمؤذن اول اسم ذكره هو امام المسجد ..لم يرد في الاولى كرر الاسم قام الامام وزعل وضرب بالسراج على ورقة الاسماء وقال للمؤذن ماتستحي على وجهك اشيل السراج لك وتحضرني..اجلب وجهك لا عاد تحضر احد..وتزاعلوا مدة طويله..الين اقنعوهم ان الامر مدبر بليل فعادوا الى التحضير من جديد الين تفرقت الجموع في مساجد متعددة بعد ان كبرت القرى..وتوسع الامر وصار لكل عائلة مسجد....وهذه واحده من قصص رمضان...وياهلاااوغلااا

شفت يابو سعد مايجون الا تهديد يتعب الواحد ويجي منطلق فرحان بموضوعه وتاليتها وش كثر المشاهدات واردود كم واحد << بس يجي مني :59:

وسالفتك تهبل عن منول وبعد ابي اكيد لاتخفى عندك سوالف وش كثر صح :)

،،،،،،،،،،،،،،

[سيوف]

المشاركة الأصلية كتبت بواسطة ♥أميرة الـ غ ـيد♥ موضوع جميل سيوووف << الفكره كانت فبااالي بس سبقتيني المهم عندي سواليف واايد :37: بس اشوووف متى مااافضيت جيت هووووون وسدحتها لكم يعطيتس العاااافيه سيوووف

هلا والله بامير ومبروك عليتس الشهر << قلت لكم بتبارك لين يخلص الشهر :37:

توارد افكار لبى قلبنا بقالب واحد وفداتس << يفداتس الاش << عرفته تالي وشو


<< احتري سوالفتس انا والربع والربايع

،،،،،،،،،،،،

[سيوف]

،،،،،،،،،،

ع الطاير بس بقول سالفتي مع اول يوم صمته وانا بالابتدائي يقالي بتذيرب عند جده :37:

المهم ع بالي الي يصوم الريق حقه مايبلعه وعانوني طول النهار وانا عندي علبة مناديل جا نص النهار وانا مفضيتها امسح فيها ريقي بغيت احتال ع نفسي ذاك النهار لين جو اهلي وجده ووضحوا لي الصوره

وطبعا ماكملت صيامي لان ربي يسامح الاطفال صيامهم للظهر بس

،،،،،،،،،،،،،