....مثل رش ٍ فوق متسفي الغضاره....

رغدالشيباني · 06-28-2010, 01:16 PM

صباح هذا اليوم ماتت رحمها الله

حزنت كثيراً لانها عدتي وعتادي

إنها بقرتي (جبوّعه) شريتها من خالتي براتب الشهرالماضي

والله إني حزنت كثيراً ولكن ألهمني الله الصبر وتمالكت نفسي

ولم أبكي ..سألت السوداني عن سبب الوفاه فقال أنها ..بشمانه من كثر الشعير

الله يعوظني خير منها (أول مره أذوق طعم الخساره وياشينها لامن فرحت بشيء وفجئه تكتشف انه طار وصرت بلا شيْ)

رغدالشيباني · 07-19-2010, 04:42 PM

يامدعي بالحب منته بخسران
خسران من يفقد من الناس غالي
افقدك لانك وافي ولانك انسان
يترجم احساسي بشكل ٍ مثالي

أحيان اقول انك حبيبي واحيان
تكشف لي رموز القصايد سؤالي
\
\
\
أخت عبدالله وناصر

رغدالشيباني · 07-19-2010, 05:25 PM

على هونك فشعرك لو وصفته
حديث الليل تجلاه القوايل

رغد

رغدالشيباني · 07-21-2010, 12:10 AM

[poem=font="arabic transparent,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليت كل الشعر مثل أشعار عيده = شاعره ماتنطق الا بالفرايد[/poem]

رغد

رغدالشيباني · 07-21-2010, 09:47 AM

أقلط على فنجال من دلة (أعصير)
وتشوف قدامك ظبي العدامه

الزين مايحتاج صك ٍ وتقرير
تشهد على زيني قطر والمنامه

مافيه مثلي بالبنات الغنادير
مير انبته لي ياكبير العمامه
\
\
\
\
رغد

رغدالشيباني · 07-22-2010, 09:36 AM

قل (مامعك!!) ترتاح من كثر الكلام
طفران ومنتّف ولاتملك ريال

كل شي عادي!! دامنا حسب النضام
والشرع حلّل اربعه يبن الحلال

مغير بأضحك منك من بعد الخصام
والاانت مثل اخوي مافيها جدال

(:

رغدالشيباني · 07-22-2010, 10:57 PM

أشرب (سفن) لاصار مخك فاصل
بعده تزين أوضاعك الفكريه

:)

رغدالشيباني · 07-23-2010, 06:29 PM

فيه ورع ٍ مايصوم ومايصلي
وان ظهر للناس تلقى أخته معه

فالفتاوي قام يتخّبط على اللي
مايميز فالجهات الاربعه

قال ماقال وغدى شيخ متولي
وله جماعه في طريقه تتبعه

قال بان الاغنيه فن ٍ يسلي
مايصدق حكيه الا الإمعه

وانت ياللي منزلك فووق متعلي
صارت جروحك بقلبي موجعه

لا تقل مافيه داعي وانت خّلي
والا اقول الله ومرنا بالسعه

(:

رغدالشيباني · 07-25-2010, 09:20 PM

ما أقول i like it ولا تؤبرني
ماأحكي أنجليزي لا ولاأحكي شامي

أقول ياجعلي فدى لعيونه
هو فارس أحلامي وكل احلامي

:)

رغدالشيباني · 08-01-2010, 07:26 PM

[poem=font="Times New Roman,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يسامحك طاري الغدر وش جابه=والله ماهو بطبع أهلي ولاطبعي
حسّك تجي لّم نجد وتطرق أبوابه=وحسّك تقّرب من أحبابي ومن ربعي[/poem]

raghad

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
الانتقال إلى العرض العادي العرض المتطور الانتقال إلى العرض الشجري	تقييم هذا الموضوع: