كلمة معلم على سبوورته

[عبدالله المرشدي]

ارجو ان تنال رضاكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اشهد ان الوقت من مبطي يدور=بس انا توي دريت بدورته
اطرد الدنيا وتاليها دبور=كنني عودٍ على باكورته
توني للحين في عمر الزهور=مادفعت من الزمن فاتورته
جيت في عز الحضاره والظهور=طحت في وقتٍ تفجر ثورته
عالمٍ تاكل عشاك مع الفطور=وكل واحد في فمه شابورته
الآوادم فالبيوت وفالقصور= ماحدٍ يرتاح في مقصورته
الكلام الصدق مايغشاه زور=لو قرأ الكذاب في منشورته
الحقيقه ثابته والعلم نور=كلمة معلم على سبورته
من قديم الوقت من ذيك العصور=يوم دوب الرجل يستر عورته
مايشل الحمل ياكود الصبور= من جزع تستقبله مثبورته
مادريت ان الزمن جريه حدور=لين شفت اشلون غير صورته
قدم عيني شفت بركانه يفور=والليالي تنقلب مع فورته
لو بدا هادي يجي وقت ويثور=ماتطفي ثورته نافورته
الحياه دروس والدنيا عبور=سنة الخلاق في معمورته[/poem]

[شذى العصمه]

(1 ) حجز لأحد روائع المرشدي ولي عودهـ ..












0

[ابوسـعد]

عجيب ما اطيب الكلمات!!! سبحان من يصورها على لسانك..بارك الله فيه..ونفع به..وسر ياعبد الله على هذا المنوال فلك ان شاء الله الاجر مما تقول...وياهلااااوغلااااااا

[عادل العصيمي]

عبد الله المرشدي

صح لسااااااانك

قصيدة جزلة ومن شاعر جزل

تحياتي لك

[قوت القلوب]

عبدالله المرشدي
قصيده جدآ رائعه
وهذا الذي اعتدناه منك
طال عمرك
صح لسانك
مليون
تحياااتي

[** راس حربه **]

اسعد الله اوقاااتك اخي عبدالله

مثلما اسعدتنا بهذه الرائعه

وحقيقتاً لاتأتي الجزاله الا من الجزل

وننتظر جديدك المتألق بفارغ الصبر اخي عبدالله

وصح السانك واعتلا شانك

دمت كما يحبه الله ويرضاه

اخوك راس حربه

[ناصر بن سعدي]

حجــز لـ معانقة الإبداع ..


ولي عــوده ..

[ابن مسلم]

ابو بدر

صح لسانك

رائعة من روائعك اللتي تتحفنا بها بين فتره واخرى

لاخلا ولاعدم منك

[عادل العتيبي]

الله الله


عز الله انك جبتها صح



صح الله لسانك ملايين


هذا القصيد على أصوله


بيض الله وجهك

ولاهنت


تقبل تحياتي

[عبدالله المرشدي]

المشاركة الأصلية كتبت بواسطة شذى العصمه (1 ) حجز لأحد روائع المرشدي ولي عودهـ .. 0

[align=center]شذى العصمه

حياك

وفي انتظار عودتك[/align]