خسيـتـي لعنـبـو جــدك

[مجنون عتيبه]

خسيـتـي لعنـبـو جــدك ؛ خسـيـتـي والـغـلـط يـنـعـاب
خسيتي واقلبي وجهك ؛ ولا كلمه ؛ولاجابـه


خسيـتـي والـزمــي حـــدك ؛ تـراهــا ضـاعــت الاداب
انا لاطاشت جنوني ؛ يعرف الجاهـل ادابـه


وش المـغـزا مــن الكلـمـه بــلا داعــي بــلا الاسـبـاب
وهرج الكذب,والتجريح قوليلي وشهي اسبابه


انـا الشـرهـه عـلـي انــي فتـحـت لخافـقـي كــم بــاب
ولكن مثل ماجيتي !!! ترا كبر الجمـل بابـه



خـذي نفسـك مـعـك بــرا ؛ ثــم انقلـعـي بــدون إيــاب
. فمان الله ؛ والا اقول :: فمان ابليس واصحابه


تحسبيـنـي عـلـى فـرقـاك ابـنــدم واغـــرق الاهـــداب
. انا مبسوط يوم اني ؛؛ طردت الشوم وغرابه


انــا مــا اعـاشـر الخـايـن ولا اسـمـع هـرجـة الـكـذاب
.ومثلك قيمته عنـدي تحـت الزيـرو حسابـه


هــذاك الـلـي تحبيـنـه ؛ حـقـيـر و اخواني ولـعــاب
. عاجبك ان قذلته شقراء ويميّل بالشعـر كابـه


صحـيـح انــه حقـيـر و زيــن وشكـلـه للنـسـاء جــذاب
تشّبه بأخته فلانـه ؛؛ ومنهـا الـدم متشابـه


وانـا مانيـب حــرف الـجـر ؛؛ تجريـنـه عـلـى الاعــراب
.انا حرف(ن) جزم نفسه ؛ ومثلي يصعب اعرابه


تشـوم النفـس عــن زيـنـك عـقـب مـاطـاح فيـهـا ذبــاب
وانا حر(ن) ولد حر ؛؛ تركت الزين وذبابـه


انـا يابنـت مــن ربــع(ن) لـهـم فــوق الفـخـر مـحـراب
انا من روق ياخبله ؛ وربعي الهيله ( عتابه )


نسـيـا ماكـلـى (عمـهـوج) وكــم روس بـــدون ارقـــاب
رزقك الله بحكم اللي حفظ عمهوج في جرابـه


انــا شـيـخ(ن) ولــد شـيـخ ؛ بـذكـره تنـعـم الانـســاب
. اليا قام العرب كلاً ؛؛ يراجع دفتـر انسابـه


ولـد شيـخ(ن) وسـط ربـعـه لــه بـيـن الـرجـال حـسـاب
اليا ضاقت به الارياء ؛ يهز الارض مشعابـه


محنكـنـي عـلـى الطيـبـه مــن يـومـي صغـيـر وشــاب
اجل وش رايك بطفل(ن) دلال القهوه العابـه

تــرى بــدري عـلـى مثـلـك تعـيـب وساسـهـا مـعـيـاب
ياليت اللي يعيبني ؛؛ يحـاول يستـر ثيابـه



انــا لاجتـنـي الـزلـه ؛ مــن الجـاهـل وهـــو كـــذاب
تركت القافله تمشي ؛؛ وراهـا تنبـح كلابـه


وانــا ليـامـن كـشـفت ان الـخـوي اصـبــح لـسـانه داب
نزعت السم من عرقه وكسرت بمخلبي نابـه


خــلاص الـيـوم يافـلانـه ؛ كرهـتـك والقـلـوب غـــراب
.وترى كل طير(ن) بكبد السماء يشبع مخلابـه


خـسـاره مثـلـك بقـلـبـي تـضـمـه غـرفــة الاحـبــاب
. وخساره غلطة العاشق ؛ يحطك اول احبابـه


بعـد هـذا تبيـن ارجــع لاجــل عيـنـك نصـيـر اصـحـاب
خسيتي واقلبي وجهك ؛ ولا كلمه ؛ ولاجابـه


ملطوووش

[ماجد بن هلال]

[align=center]تشـوم النفـس عــن زيـنـك عـقـب مـاطـاح فيـهـا ذبــاب
وانا حر(ن) ولد حر ؛؛ تركت الزين وذبابـه



محنكـنـي عـلـى الطيـبـه مــن يـومـي صغـيـر وشــاب
اجل وش رايك بطفل(ن) دلال القهوه العابـه

هالبيتين تقدّر بالذهب ولا تهون باقي الأبيات[/align]

[align=center]صحّ لسان شاعرها أبو سعود

الشاعر محمد بن سعود العضياني

ولاهنت على النقل [/align]

[{%نوف%}]

[align=center][grade="800080 FF1493 800080 FF1493 800080"]قصيـــدة رائعــــه

يعطيك الف عافيه أخوي على هالذوق ..[/grade]

[/align]

[ناصر بن سعدي]

لاهنت أخي

مجنون عتيبه


على النقل الرائع ,,

وبيض الله وجه شاعرها /محمد سعود العضياني ,,


ودمت بخيــــر ,,

[مجنون عتيبه]

صحت ابدانكم

ومشكورين ع المرور

[نسمة غلا]

الاخ الفاضل


مجنون عتيبه


ملطوووووش رائع وصحت اناملك


وصح لسان قايلها


والله انه ابدع في ردع من اسماها حبيبته


وابدع في تصوير اصله وفصله


لله درة يوم قال ان الدلال العابه

اعجبني فعلا البيت

تسلم اخوي مجنون ونتمنى نشوف جديدك

[فديت عتيبه]

ياهجاادهاا هجااداااه الضعيفه هههههههه


نقل راائع


يامجنون عتيبه

[شــ الذات ــامخ]

مشكور مجنون عتيبه على هذي اللطشه
تقبل مروري

[خبروها بالغلا]

الاخ مجنون عتيبه لاهنت على النقل

واتمنى يوم تنقل تذكر اسم الشاعر

كي لاتضيع حقوقه .

المهم القصيده للشاعر الكبير الذي

هضم حقه الاعلام هو

الشاعر : ناصر محمد الضويحي العتيبي

ولاأظن فيه شخص من عتيبه مايعرف ناصر

ومن ابياته المشهوره

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان كان ماني من خيار الرياجيل=عطيني البرقع ودوك العمامة[/poem]

وايضاً البيت هذا

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ينومسني شجاع لاقرى شعري صرخ مغبون=ويكفيني هنوف تفرك الكبد وتمناني[/poem]

وايضاً البيت هذا

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقولون البقا براسك . وانا مابقالي راس=يقولون البقا براسك ونا فاقدك ياراسي[/poem]

[مجنون عتيبه]

الي يقول محمد سعود العضياني

والي يقول ناصر محمد الضويحي العتيبي

المهم القصيده لي مهب لاحد ثاني

لشاعر المعروف مجنون عتيبه

وصحة ابدانكم


ارجو حفظ حقوقي وعند النقل تنسب القصيده باسمي :d