** سجل حضورك اليومي ببيت شعرأو بحكمة أو مثل ** ( 2 )

[امير الغلا]

لادليلة في متاهات الطريق ولا زهاب
والتعب طلاّب ثار وكنّك لجدّه غريم

تطرد احلام "الفقارى "تنبش الأرض اليباب
تايه بهالكون وحدك لاصديق ولا نديم

انتهى "نهرك" نضوب وصار "كوخك" للخراب
وانكسر "لون الغروب"وفاتك الحلم العظيم

لاتخربش فالدفاتر ملّت الروح انسكاب
دفترك "كتلة مشاعر"سترها قطعة أديم

لاتسولف "للعطاشا"عن مواعيد السحاب
العطش وسط الكبود اليابسة دايم مقيم

[الـعـنـود]

حظي معك في وقفتي لك على الباب
وفي غيرها مالي معك حـظ مـره

كم وقفة ٍ لك والشفق مابعـد غـاب
وقفتها لين أشتكـى السـاق ضـره

وإن شفت زولك مقبل ٍ قلت ماخاب
ظنـي بهـا ياللهنـاء والمـسـره

وتمرني في عينك سيوف وحـراب
وتقفي ويبقالك علـى البـال جـره

نظرت عيوني كلها حب وأعجـاب
ونظرت عيونك كلها لـي مضـره

لوماأستفيد إلا طعنونـك بالأهـداب
الحب خيره مايجـي ربـع شـره

[مشاعر حالمه]

ماجور . ياللي من فراقك تعلمت
ان الزمن يومين . طيّب و خيّب

فاجأتني بمفارقك ما تولمـــــت
كذا ّ بدون اسباب عني تغيّب ؟

ما متّ من فرقاك . لكن تألمت
و شيّبت بي يا صاحبي قبل اشيّب

اضحك و اسولف و ان لحقني سهر. نمت
لكن قسم بالله مااانيب طيّــــب !

[امير الغلا]

ارحل مع اسراب القوافي واسافر
من واقع لواقع واشوف الغرابه

اكتب شعر واكسيه بوح الخواطر
ان عاش ولا يرحم الله شبابه

تستوطن احروفي (جفاف الدفاتر)
تشرب حكايات الملل والكئابه

اضحك وانا في خاطري شيً آخر
واكتم وازيد مع الصلابه صلابه

واشوم عن بعض الامور الصغاير
من لااحترم نفسه فلا له مهابه

واشرب من التاريخ (شهد المآثر)
(تدهشني) افعال النبي والصحابه


وارقى صروح المجد باصلي وافاخر
نجدالعرب داري وربعي ( عتابه )

سلطان الغنامي

[ماجد بن هلال]

[align=center]أضيق .. من مابي! .. وأقلّـب بـالأوراق
يـا ضيقةٍ!..فـي كـل ليلـه .. تجيـنـي
تعبت ..أجادف ..وألحق القلب ..لا ضـاق
وأبعد ..رسوم الضيـق ..لكـن!. يبينـي
من ..ليلةٍ البارح ..إلى وقـت ..الأشـراق
أطرق على .. المسحوب .. مـره هجينـي
ياليل؟..ليـل الدمـع ..بالخـد ..حـراق
ما عاد .. أميّز ..مـن قسـاوة ..سنينـي[/align]

[مشاعر حالمه]

آآآه ياقطع قلبي

قسم بالله خنقتني العبرة يوم شفت اسمه كاتب الموضوع

يثبّت الموضوع تقديراً لذكراه رحمه الله

ولايفكّ التثبيت حتـــى يوم يعلمـــه الله

المـوت درب وكلنـا عابريـنـه
والخير فـاللي مات وذكره بقى له
الشامل اللـي بالخُلـق عارفينـه
مات وترك خلفـه حـلالٍ ومالـه
الله يـرحـم واحــدٍ خابريـنـه
في المنتدى يكتب ويطرح مقالـه

مشاعر حالمه

[امير الغلا]

لا أخذت في خاطري من واحد ٍ غالي
ماعاد ابي النـاس قاصيهـا ودانيهـا

ماعاد ابي اللي ينشّدني عـن احوالـي
العزله .. ابرك مـن الدنيـا ومافيهـا

اغيب عن مجتمع خلق الله أشـوا لـي
وادلّه النفـس .. ليـن الله يسويهـا

ياحـرّ كبـدي وياهمـي وغربالـي
مصيبه ان كـان حاميهـا حراميهـا

ضايق وضاقت بي فجوج الخلا الخالـي
والنار ماتحرق الا رجـل واطيهـا

مهما يدور الزمـان ويأمـن الجالـي
مايجرح الروح غير طعـون غاليهـا

[ماجد بن هلال]

[align=center]اللي صدمنـي لا بغيتـك تخليـت
وانا الذي لاضقت واحتجت عونـك

تقول لو تطلب عيوني لك اعطيـت
وش فايدة شوفي حبيبي بدونـك .؟

وطلبت منك شي عـادي وصديـت
وشلون لو اني طلبتـك عيونـك ؟؟؟[/align]

[عبدالله المرشدي]

[poem= font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرحوم ياللي مات في شهر شوال=عسى جنان الخلد داره ومثواه
مرحوم يالشامل عسى الخلد منزال=عسى الصحيفه من ذنوبك منقاه[/poem]


الله يرحمك ويغفر لك ويسكنك فسيح جناته ومهما قلنا مانوفيك حقك وان شاء الله يكون فيه قصيده كامله بهذا الخصوص قريبا

[**** شوق ****]

[align=center]اقتراااااااح هااااااااااام

/
/

بما أن أخينا الذي كتب هذا الموضوع قد فارق الدنيا

نسأل الله له المغفره والرحمه .. أقترح أن يسجل الدخول هنا

بشي مفيد عل الله أن يجري خيره لأخينا ( الشامل )

مثلاً .. يكون حديث شريف أو حكمه أو موعظه

هذا مالدي وأعلم أن إدارة المنتدى تبحث عن ماهو مفيد

لكل عضو في حياته وبعد مماته

تسجيل دخول ..

قال رسول الله : ((إن مما يلحق المؤمن من عمله وحسناته بعد موته علما ًعلمه و نشره, أو ولدا ً صالحا ً تركه, أو مصحفا ً ورثه, أو مسجدا ً بناه, أو بيتا ً بناه لابن السبيل, أو نهرا ً أكراه, أو صدقة أخرجها من ماله في صحته وحياته تلحقه من بعد موته)) (ابن ماجة).[/align]