قصيده بمناسبه زياره الامير فيصل بن سلطان لدوله الكويت

[الشقاوي]

هذه القصيده قيلت بمناسبه زياره الامير فيصل بن سلطان بن حميد لدوله الكويت واقام النائب سعدون بن حماد العتيبي احتفال دعا اليه الشيوخ ووجهاء وابناء القبيله وامراء القبائل المتواجدين بدوله الكويت واعضاء مجلس الامه وتقول القصيده:

قال العتيبي يوم وقت الطرب زان @@@@@ مثايل بحروفها حس شابوش
مثايل تهدا لذربين الايمان @@@@@ في ماقف يطرب له الراس ويشوش
اليوم جا للشعر وقفه وميدان @@@@@ في حفلة باطرافها الورد مفروش
يا مرحبا ترحيب من قلب ولسان @@@@@ من مخلص وجه بلقياك مبشوش
يا مرحبا يا مرحبا يابن سلطان @@@@@ الك الغلا يا طيب الجد مخشوش
ما بين يا فيصل بساتين واغصان @@@@@ باقصي الحشي وتضمه العين برموش
يابن الرجال مطوعه كل فسقان @@@@@ يوم انها يا طيب الساس بجيوش
يوم انها جيش وخيل وفرسان @@@@@ ومصقلات فعلها حزه الهوش
من وقت صنهات الوفا وابن شبنان @@@@@ تركي وابن هندي محمد وعلوش
وضيف الله العفار حماي الاضعان @@@@@ يوم الزمن نابه ينوش العظم نوش
روس الحرار اليا غشا الجو دخان @@@@@ في ساعة يبلش بها كل مدغوش
فعايل يرجح بها كل ميزان @@@@@ ما نالها في حزة الضيق مرعوش
شيخة سيوف بالقا تقضي الشان @@@@@ ما ثبتوها طول الايام بقروش
تاريخهم سجل له المجد عنوان @@@@@ فيه الفخر والعز ثابت ومنقوش
وابوك يا فيصل سلايل كحيلان @@@@@ حاش المراجل كلها بالوفا حوش
وانت الخلف عقب السلف يابوسلطان @@@@@ دون القبيله لا هبا كل مغشوش
تم الكلام وصادق الهرج برهان @@@@@ والطيب له تاج وملابيس وعروش

منقول
الشاعر: عبدالله بن محمد بن عوير الدعجاني

[ابـو سعـود]

صح لساان الشاعر وسلمت يالشقاوي ويستاهل كل خير الشيخ

فيصل بن سلطان بن حميد


وفعلا قصيده رائعه :)

[ركوان الغبيوي]

خابره قبل ثلاث سنين ان ماخاب ضني والامير فيصل يستاهل الكثر فخر عتيبه هو وجدانه
ولا هنت يا ابوي وصح لسان الشاعر

[مخاوي النشامى]

سلمت يمينك أخوي الشقاوي
على النقل الرئع
وصح لسان قائل القصيده

[النـايــــــف]

صح لسانك اخوي الشقاوي


وصح لسان الشاعر عبدالله الدعيجاني


وبيض الله وجهك


على هذا الاختيار


تحياتي لك ،،،،

[النخيش]

سلمت يمناك

ويستاهل ولد كحيلان