لغز ياااويْ لغز ( محلول من ابو بخيت ) صح لسانه

[جااابر]

العطاوي دامن الورع هو نفس الورع اللي يمرمر مرمره اللي هو الماء !
وش رايك بعلبة المغذي وصمام التحكم بقطرات الماء بجنبه
ادري رمعتي مروحه بس هذا اللي طلع معي
وصراحه من ضاعت السبحه وحنا مختلفين كلنا هههههه

[{ أبوفيصل }]

السبحه ابشرو بـ عوضها ،،، هي وشلونها ؟ معي سبحه
من يوم جات في يدي والألغاز ما تعوق معي :)

جااابر على أقل من مهلكم واللي ماتلقون
حله بكره بعده الى بعد الحج معكم لايهمكم :)

[مهـرة مـطير]

[img2]http://t2.gstatic.com/images?q=tbn:ANd9GcTTszduEO-hN0V2cZ7pvxGlOXWcjWIK_CFiKvB6_ATTdrPV9TL0Jw[/img2]

طيب شرايك بالصوره حول الحل او لا

[{ أبوفيصل }]

مالكـ لواا

ماهي حول حل

[ابو بخيت]

صح السانك يالعطاوي رجعت لرنمعات اقول اقرب شي

طبة المكينه او طرممبه الماء

[{ أبوفيصل }]

المشاركة الأصلية كتبت بواسطة ابو بخيت صح السانك يالعطاوي رجعت لرنمعات اقول اقرب شي طبة المكينه او طرممبه الماء

صح بدنك يابو بخيت وصح لسااااانك
بيض الله وجهك جبت اللي عليها الكلام

(( طبّة المكينه ))

أشك ان ابو بخيت ميكانيكي ماشاء الله عليه :)

اشكر ل من شارك و الى لغز اّخر

[إبن ثعلي]

اذا حل ابو بخيت خطأ فهي صامولة (سدادة) كرتير الزيت في مكينة السياره والورع الزيت ينزل في الكرتير ويعود مع دربه عن طريق طرمبة الزيت وذا انحلت الصاموله وراح الزيت بوشة المكينه اللي هي الأم

[وجودك يكفي]

المشاركة الأصلية كتبت بواسطة إبن ثعلي اذا حل ابو بخيت خطأ فهي صامولة (سدادة) كرتير الزيت في مكينة السياره والورع الزيت ينزل في الكرتير ويعود مع دربه عن طريق طرمبة الزيت وذا انحلت الصاموله وراح الزيت بوشة المكينه اللي هي الأم

مشاء الله عليك يابوعبدالرحمن والظاهر ان عندك ورشة ميكانيكا

[{ أبوفيصل }]

المشاركة الأصلية كتبت بواسطة إبن ثعلي اذا حل ابو بخيت خطأ فهي صامولة (سدادة) كرتير الزيت في مكينة السياره والورع الزيت ينزل في الكرتير ويعود مع دربه عن طريق طرمبة الزيت وذا انحلت الصاموله وراح الزيت بوشة المكينه اللي هي الأم

ابو بخيت اجابته صحيحه ومثل ماقال ولد ثابت الظاهر عندك خلفيّه عن الميكانيكا :)

[ذيبــان]

اتوقع ان الحل .. الضراب ..او النادوس اللي بطن البندق

احد يسميه الضراب واحد يسميه النادوس