لو يملك احساسٍ قطعنا وريده )محلول( من عهود صح لسانها

[وجودك يكفي]

المشاركة الأصلية كتبت بواسطة فوفو الطنايا صح لسانك عالابيات الشعريه الاكثر من رائعه ماشاءالله عليك والله انك شاعر الله يقويك يارب.. وش تقول بالفراغ..................................

حياك الله يافوفو الطنايا

صح بدنك ولاهنتي

مالك لوا بالفراغ

[فوفو الطنايا]

اجل الزمن او العمر
بس وش تفسير معنى ياكل ولا يشرب!!!!!!

[وجودك يكفي]

المشاركة الأصلية كتبت بواسطة فوفو الطنايا اجل الزمن او العمر بس وش تفسير معنى ياكل ولا يشرب!!!!!!

مالك لوا يافوفو الطنايا

معنى ياكل ولايشرب واضح .. وإذا تقصدين وش ياكل؟؟ راح اجاوب على استفسارك بعد ماتحلون اللغز وتفقعون عينه

[جـــلادة]

صــح لسانك ياولــدثابت مبدع وممــيز كالــعادة
الله يعطــيك الــعافية . .

وش قولك بالــتدخين

[وجودك يكفي]

المشاركة الأصلية كتبت بواسطة جـــلادة صــح لسانك ياولــدثابت مبدع وممــيز كالــعادة الله يعطــيك الــعافية . . وش قولك بالــتدخين

حياك الله ياجلاده والله يعافيك

صح بدنك ومالك لوا بالتدخين

[وجودك يكفي]

[poem=font=",6,blue,normal,normal" bkcolor="transparent" bkimage="" border="none,4," type=3 line=0 align=right use=ex num="0,black""]
انشدك عن رجال ماكان موجود = وفي وقتنا موجود محدٍ يريده
ياكل ولايشرب ولا يطلع ابفود = قل للعقول الغافله والبليده
مايرحم المسكين والطفل والعود = ولو يملك احساسٍ قطعنا وريده
كم مرّةٍ شفناه بالعين مشهود = وكم مرّةٍ نلقاه وسط الجريده
ولولا الفتاه اللي لها جهد محمود = ماكان شفت الرجل وساعي بريده
سته وسبع احروف مايقبل الزود = وان جاء ثمان احروف تقدر تزيده
[/poem]

[عهود]

رمعه سريعه ..نلقاه وسط الجريده يعني انه خبر وينشر في الجريده صح ياوجودك والا لا..وش رايك بالحوادث المروريه الله يكفينا الشر

[وجودك يكفي]

المشاركة الأصلية كتبت بواسطة عهود رمعه سريعه ..نلقاه وسط الجريده يعني انه خبر وينشر في الجريده صح ياوجودك والا لا..وش رايك بالحوادث المروريه الله يكفينا الشر

حياك الله ياعهود وصح لسانك على الرمعه السريعه والصائبه

الجواب والرجل المطلوب هو الحادث المروري

انشدك عن رجال ماكان موجود>>الحادث المروري قبل صنع السيارات ماكان موجود
وفي وقتنا موجود محدٍ يريده>>واضح
ياكل ولا يشرب ولا يطلع ابفود>> يأكل البشر والسيارات والحديد .. كما لو قلنا على سبل المثال )) اهل السرعه والتفحيط اكلتهم الحوادث .. والحادث لايخرج بأي فائده عندما يأكلهم ويقضي عليهم
قل للعقول الغافله والبليده>>انصح المتهورين في سرعتهم..والمفحطين..واللي مايعرفون يسوقون .. وقلّهم إن الحادث مايملك أحساس ولايرحم صغير وكبير
مايرحم المسكين والطفل والعود>>واضح .. وإذا كان مايرحم الضعفاء اكيد مايرحم اللي اقوى منهم
ولو يملك احساسٍ قطعنا وريده>>لو الحادث المروري إنسان يملك احاس كان ذبحناه وافتكينا من شرّه
كم مرّةٍ شفناه بالعين مشهود>>واضح
وكم مرّةٍ نلقاه وسط الجريده>>في صفحة الحوادث
ولولا الفتاه اللي لها جهد محمود = ماكان شفت الرجل وساعي بريده>>لولا السيارة اللي تخدم الإنسان ماكان شفنا الحادث المروري ولا شفنا ساعي بريده وهو رجل المرور اللي ينقل اخباره واضراره لقسم المرور
سته وسبع احروف مايقبل الزود>> 6+7=13 .. عدد حروف الحادث المروري .. 13حرف كحد اقصى ولا يقبل زيادة حرف ..وإذا تبغون تدقيق اكثر في تركيبة الشطر.. ركّزوا معي الجواب كامل عباره عن كلمتين .. الكلمه الأولى الحادث مكوّنه من 6 أحرف.. والكلمه الثانيه المروري مكوّنه من 7 أحرف .. كما قلنا في بداية الشطر سته وسبع احروف وبهذا يكتمل الجواب من 13 حرف ولايقبل زياده
وان جاء ثمان احروف تقدر تزيده>>حادث مرور .. ثمان حروف كحد ادنى ونقدر نزيده ونقول .. حادث مروري او الحادث المروري


اشكر جميع من شارك والله يعطيكم العافيه

[عهود]

صح بدنك ياوجودك يكفي .. الله يســلــمـك ويــعــافــيــك ويـبارك فـيـك ..

[العنود البريكي]

ماقصرتي ياعهود واخيرا فكيتيني من التفكير شيب راسيً وعجزت اعرفه وبانتظار جديدك ياوجودك