قصيدة في سعادة اللواء خلف بن جابر الجعيد

[محمدعوده البلوي]

السلام عليكم ورحمة الله وبركاته



الاحبه إدراة واعضاء منتدى عتيبه


يشرفني تواجدي بينكم ويسعدني كثير



فأنتم من أهل الادب وخاصته ومنتداكم يكفيه شرف أنه منتداكم

منتدى عتيبه




اللواء خلف بن جابر الجعيد


لا استطيع الإسترسال في الحديث عنه وانا بين من هم أعلم مني فيه


وهو نار على علم وعنوان لكل محمود من الافعال والاخلاق



غامرت في كتابة هذه القصيدة التي لن توفيه ولو أتيت بمثلها عشرا



ولكن حاولت وليس لي اي هدف سوا شكر من يستحق


وان كان لي غيره فليس سوا الوفاء

الوفاء الذي لا زلت اراه بعيد وعسير المنال امام قامة هذا الرجل الكريم


وضعتها هنا لعلّها تصله من خلال منتداكم هذا


.



.


.

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا طلع الثناء .. والطيب مثل الحيا متبوع=تسابق بك غصونك على كاسب النوماس
تمد بثرى قلبي تحت راسي المرفوع=عروق الوفا لا هي قصيره ولا يباس
تصب المشاعر عذبها الصافي المدفوع=من أعماق ذاتي ويتدفق على الكراس
أجيب القصيد البكر والبكر ما له نوع=مثل نزعة الروح ومثل رجعة الأنفاس
عن مدرجين العرج والملبس المرقوع=تميزت في مشهد يسر ويشد الراس
تطير الوقوع وتصبح الطايرات وقوع=وبالعلم هذا يمشي ويرجع العسّاس
وانا خطي الواضح مثل صوتي المسموع=أحب النقا بالفعل والقول والهوجاس
على بنت حر موثقه والطريق طلوع=سرى الغيم بالوبل وكفخ بالسما القرناس
رفيع المقام ورقم واحد من المجموع=ما هو بس قايد .. لكن موجه ونبراس
من ملوكنا نال الثقة والحمول تروع=وعز الله إنه كفو للمنصب الحسّاس
عيونه بحرب وسلم تبقى حرس ودروع=وترقب بنظرات الولا الجو والحراس
محنك حليم يحقق العدل غصب وطوع=بعزمه يروم الكايد ولا يرومه ياس
عن الظلم وظروف الزمن والضما والجوع=مساعيه بعد الله تفرّج هموم الناس
سبق فتح بيبان المكاتب بفتح ضلوع=قبل مكتبه صدره مشرع كرم وإحساس
خلف جابر اسمه يختصر مجمل الموضوع=عن المدح مغنيه وعلى الطيب ساسه ساس
أقوله ومعرفتي مهي يوم ولاّ أسبوع=تشربتها من كل موقف عسير مراس
ما يخشى سوا من قبض كفه وثني الكوع=ليا مدها مثل الهماليل والنسناس
عادات الجعيد ونهجه وشرعه المشروع=على العز كسب الزود في قو عزم وباس
مكارم على الفطره ما جت باكتساب طبوع=لها في عتيبه عمق ضارب ومسقط راس[/poem]

.


.



تحياتي للجميع وتقديري
.


.

[وجودك يكفي]

حياك الله يامحمد وسعداء بتواجدك في منتدى عتيبه
صح لسانك وبيض الله وجهك على القصيدة الوافيه والجزله

احترامي

[قلم ولكن]

صح السانك
ويستاهل الطيب راعي الطيب
لاهنت يالقرم

[نايف تراحيب]

اولاً حيآك الله في منتدآك

ثانيآ صح لسسآنك عدد حروفهآ قصيده جزله من كفو وفي كفو ،

اتمنى ان تصل للواء خلف بن جابر الجعيد من خلال هذا المتصفح الجميل ،

احترامي وتقديري