[align=center]عندما تضيق الدنيا في وجه الانسان يقوم بالبحث عن ذالك الصديق الذي يشاركه همومه فهذا شاعرنا فيصل بن سجدي بن دليل بن ثعلي يتحفنا بهذه الرائعه.[/align]
[poem=font="Times New Roman,4,black,normal,normal" bkcolor="transparent" bkimage="backgrounds/18.gif" border="solid,4,darkblue" type=2 line=0 align=center use=ex num="0,black"]
هات القلم ياصاح والحبر والبوك=وإحذر يبيح الحبر واتبيح الابواك
لاصرت في يد وقتي الشين ممسوك = ابا اتمثل بالعنا قبل ..الادراك
واشد لي قافٍ رفيعٍ ومسموك = واغلق مجال الهرج عن كل نماك
ياقاف انا بحماك عن كل صعلوك= لوكان ماني بااول انسان غناك
قدمي رياجيل على الدرب مشوك= واليوم خاويتك وابا امشي بممشاك
مادام رافقت النشاما وخاووك = وبين لي التاريخ مشوار ذكراك
ابا ارسلك ورسالتي شوفها دوك = خذها وسلمها لمقحم بيمناك
وليا استلمها همها عنك متروك = ليل استلمها منقع الطيب كفاك
وقله تراني من عنى الوقت مشبوك = وقتٍ امشيني على شايك اسلاك
وقتٍ من اسبابه وطينا على الشوك = واليوم حالي كنها عود مسواك
من وقتي اصبح قدمي الباب مصكوك= حتى البشر مع ميله الوقت تجفاك
الناس لاشان الزمان ابك لاموك= من غير لايدرون عن سر دعواك
واليوم يوم ان المناديب وصلوك= ابغى المعونه منك والعلم ينصاك
قلي عسى رايك سديدٍ ومبروك = وانا اقتنع في راي مثلك وشرواك
لاشان وقتٍ واكثر الناس نسيوك = واختل وقتك واختلف سير دنياك
واللي قريب منك صدوا وخلوك = من بعد ماهم من يمينك ليسراك
واغلى رفيق اكمل عدد من تحدوك = ويجامل لغيرك ولاهوب يرضاك
وش هي سواتك ويش حلك وانا اخوك= لاشفت بعيونك ميولٍ بالافلاك
عسى احلولك تعجب اللي تنصوك= واتصير خير لمن وقف لك وناداك
وانا مع اهل الطيب بالطيب مملوك= ملك الوفا ماهي عقارات واملاك
واولهم انت اللي مناديبنا جوك= ولولاني اطمع فيك بالطيب ماانخاك
بالطيب لك وقفات مافيهن اشكوك= وابيات شعري قررت ماتعداك
والمعذره لاهنت ورسالتي دوك= والحر تكفيه الاشاره بمعناك[/poem]
[align=center]الدجيما[/align]
| 
|
09-01-2004, 11:42 AM
المواضيع المتشابهه
العرض العادي
