صوت وصدى مع الشاعر محمد بن دغيم

[ضيف الله السميري]

بادئه اعتذر عن غيابي الطائل وتقصيري

واواصلكم بما هو آت



صـــــــــــــــوت ضيف الله السميري


[poem=font=",6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
كلمة الشكر ماتوفي عريب الجدود=حقه اللي عليه لو يطول الاجل
يوم ضاعت وعود مهمشين الوعود=في حميدالسجايا مايخيب الامل
ماترود المطايا غير راه العدود=ولا يسد اللزوم الا عريب الاصل
للمواقف رجال وللقضايا شهود=وللمنادي مجيب وللثقيله جمل
وانت مافيك قاصر من جميع البنود=في سما المجد واضح مثل كوكب زحل
والمثل قال لا امست بيض الايام سود=اذكر اصحابك الوافين وازبن جبل
والله اني نصيتك في لزوم" يكود=واستجبت ال لزومي واحتزمت وحصل
كيف ارد الجمايل فالزمان الجحود=الله انه يقدرني لشيل الحمل
يامحمد دغيم شوق ترف الخدود=اعرف ان الك عندي موقع" مستقل
ان قسى الوقت والا صدرن الورود=اذكر انك فعلت الطيبه في رجل
والف شكرا" على ماقمت به من جهود=ياحميد السجايا ياعريب الاصل
[/poem]



صــــــــــــــــــــدى الشاعر محمد بن دغيم


[poem=font=",6,darkblue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]

مرحبا ياكلام مثل عد النقود=قول من ينقض المبهم ويفتل فتل
يأبن رابح لكم حق علينا يزود=واشكرك والكلام اللي يجمل وصل
ولك عندي مثل ماقلت وأخذ الردود=وانت من روس ربع للمكارم مثل
يحكمون ألحجج من ماضيات العهود=للمجالس قضاه وللمفاعيل أهل
مالنا فضل في خدمتك يأبن الفهود=واجب في محله والله إله الفضل
لك عليه حقوق مالهنه حدود=وان تناسيتها لاخير فألعيش أجل
وبارك الله بأصحابي عيال السعود=في لزومي يفز ادناهم إليه عجل
مطلبي عندهم من دون شرط وقيود=ينقضي عندهم ويقال بس إتصل
يابوفواز مالي عن لزومك صدود=وكان لك في امل بالمثل لي فيك امل
وان قسى الوقت ماتبخل ومثلك يجود=ماتضيع الجمايل غير فأهل الدجل
وانت رجل المواقف منت رجلً جحود=والبخيل الصحيح اللي بجاهه بخل

[/poem]

[سعود بن فيصل]

ارررحب ارررحب ياضيف الله


صح لسانك ولسان إبن دغيّم

ويستاهل ابو عمر كل خير

في آمان الله .

[عادل العصيمي]

ضيف الله


صح لسانك


الصوت كان قوي وجزل وعلى مستوى عالي من الشاعرية والصدى كان بالمثل وصح لسان بن دغيم


لا هنتو وبيض الله وجيهكم


تحياتي


,

[ميااااح]

صحت السنتكم

[النجم الأصيل]

صح لسانك ولسان بن دغيم

ودي

[ضيف الله السميري]

المشاركة الأصلية كتبت بواسطة دغبوج ارررحب ارررحب ياضيف الله صح لسانك ولسان إبن دغيّم ويستاهل ابو عمر كل خير في آمان الله .

دغبوج

صح بدنك ولاهنت يالغالي


تحيتي

[ضيف الله السميري]

المشاركة الأصلية كتبت بواسطة عادل العصيمي ضيف الله صح لسانك الصوت كان قوي وجزل وعلى مستوى عالي من الشاعرية والصدى كان بالمثل وصح لسان بن دغيم لا هنتو وبيض الله وجيهكم تحياتي ,

عادل العصيمي


وجهكابيض ولاهنت يالقرم


تحيتي لك

[ضيف الله السميري]

المشاركة الأصلية كتبت بواسطة ميااااح صحت السنتكم

صح بدنك مياح

[ضيف الله السميري]

المشاركة الأصلية كتبت بواسطة النجم الأصيل صح لسانك ولسان بن دغيم ودي

النجم الاصيل


صح بدنك ولاهنت

[البارع]

هذا الشعر صحيح والا بلاش عز الله انكم ابدعتم يالاثنين ....... صوت مدوي وصدى

من نفس العيار ......صحت الالسن ......... وتقبلو تحياتي ,,,