بسم الله الرحمن الرحيم
السلام عليكم ورحمت الله وبركاته
اقام الشيخ مناحي بن جدي بن زريبة رئيس مركز الزربان مادبة غداء عند ذوده في الشمال لشيوخ قبيله حرب في تاريخ 11/3/1431ومن شيوخ عتيبه
ومنهم الشيخ بدربن محماس الشغار والشيخ فيحان بن سلطان الشغاروالشيخ ناصر بن سلطان الشغاروالشيخ هايف الرقاص والشيخ غالب بن زريبه والشيخ ماجد بن ربيعان والشيخ مطر القوس والشاعر تراحيب بن سويلم العازمي وضيف الله بن سويلم العازمي
ومحيل بن سويلم العازمي وغيرهم من الكثير
قصيده ترحيبيه يلقيها الشاعر يوسف بن حمود القر
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الاوله ابدا بذكر اللي اله اسعى واطوف=واخشاه وادخل في بيوته خوف واصلي بها
واسجد لوجهه واشكره وارفع له بطون الكفوف=وادعي دعاة كل مسلم فالزمن يدعيبها
تزرع في قلوب محاربين الدين خوف=آمين يا من تعلم الدنيا وتعلم غيبها
من يسعون للتخريب في عين تشوف=وتسلَّط الدوله على منهو يبا تخريبها
وتجعل جهدنا يا ولي العرش والكون مخلوف=وتهدي بصايرنا لمخرج سكة نمشيبها
والثانية عداد ما هلت هماليل القنوف=ليا طرَّحت عنها العوالي والرعد يوحيبها
المدلهمات الحقاق اللي عوايرها وقوف=تامربها قدرة ولي العرش واتنهي بها
يا مرحبا يا شيوخ حرب اهل البيارق والسيوف=قوم تجملها فعايلها ويعرف طيبها
ياهل المواقف سالم مسروح يا ستر الهنوف=في ساعة يعرف بها طيب الرجال و عيبها
من حد حرب اهل القصيم ليا القرا واديار عوف=تسرح تحت هيبات حرب القود وتفلي بها
تفضلوا عند الامير اللي ليا جوه الضيوف=من عادته ايقلط الضيفان ويهلي بها
للجود مقيال وذرا وعن الردى نفسه عزوف=والطيبه يدفع عليها المال ويناديبها
يقدم الجزله كرم ما يلحق الجزله حسوف=والطيب عيطا والرجال اهل الوفا تبديبها
من السخا يذبح جمل قدام لايذبح خروف=واللي ما تصخيها العرب لجل الكرم يصخيبها
شيخ الشيوخ ليا حضر وابو الارامل والضعوف=والعين عن عوجا الرفيق البينه يغضيبها
واللي ما حاش الطيب مثله في لياليه محذوف=ويمنىً ما ذكرت بالكرم والجود يفرا جيبها
راعي شداد ما تظويه التماني والشفوف=ماجابه الا قدح راي وقالة يوفيبها
هذا مناحي ما اخذ الشيخه عطا والا معروف=الا بحد المرهفات وبندق يرميبها
حاش المراجل كلها رغم المصاعب والظروف=ولا لد عينه للظروف ولا حسب لصعيبها
راس تهوش بهيبته روس المناكب والكتوف=أمارته تفخربها العتبان وتما ريبها
ولد جدي سمي جده فالسنام عن الردوف=راس من ثبت قواعدها وسما صيبها
زريب راع الاوله يوم المشاكل والحفوف=ساق الجمل في نجد لين انه نزل فشعيبها
يضرب بشلفا حدها يفرا الترايب والدفوف=يعشي بها سبع الخلا الجيعان ويغديبها
والا برمح زرقته مظرابها في كل جوف=اللي قظا منها قظا واللي سلم يبطيبها
وان راح يم الجد الاخر محتمي حم الشعوف=القر مشبع ضبعة الهضبه ومشبع ذيبها
مفرش سهوه سنافيين والثالث لحوف=والرابع اللي كلته الخوصه قدم ياعيبها
بعد لحقهم في غزال الضلع من عقب الغسوف=هجاد ليل وحبة البندق على تصويبها
حنا الجبال اللي ما تخلفها الهبايب والشعوف=والا الغصون ادنا هبوب مقريه تومي بها
جذعان يوم ان السباع الضاريه تسري تحوف=كم ليلة ظلما سريناها ما احد يسريبها
حنا مقابيس الوغا حنا مشرعت الرفوف=واهل البيوت اللي لاجاها اللاجي يذريبها
وحنا هل البل يوم وقت البل مفرقت الصفوف=مركاظنا تركم به اللحية ويطلع شيبها
تاريخنا عجزت توفيه القصايد والحروف=وامجادنا وافعولنا كل الملا تدريبها
حقايق التاريخ ما جوده وكل شئ معروف=ما هي رعية واحد يسرح ولا يظويبها
تمت وصلى الله على سيد البشر رغم الانوف=محمد اللي كمل السنه على ترتيبها
[/poem]
وقصيده يلقيها الشاعر طراد بن عبد الهادي الضميان
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
باسم ربٍ بعـث فينـا نبيّـه نصـرةٍ للديـن=وجعلنـا مسلميـن وعزنـا فالكـون بكتابـه
بدينـا والبدايـة بعدهـا الترحيـب باللافيـن=عدد من طاف محرم في حرم مكـة وصلابـه
هلا ياشيوخ حرب اللي قبلتوا دعـوة الداعيـن=وشرفتـوا محلـن كـل مـن ينصـاه حيابـه
لكم قدر ومعزّه عندنا في كـل وقـت وحيـن=ولكـم تاريـخ كـل متابـع التاريـخ يقرابـه
بنيتوا مجدكم يوم القنا والسيـف أبـو حديـن=وهـذا علـمٍ ثبـات وقـوة البتـار بنصابـه
أهل جيرة وأهل سلم ووفا من ماضيات سنيـن=وأهل سيف ليا جت حاجته معروف مضرابـه
حضرتوا في محل اللي على سلم الوفا وافيـن=أهل بيتٍ عوا صيف الدهر ماهـزت اطنابـه
محل شيوخنا الزر بان شوخن مثل سور الصين=ذرا وحمايـةٍ للـي زمانـه كـشـر أنيـابـه
لهم وقفات في وقت القسا منهـا الحديـد يليـن=ليا منه ذكرها الحـر الأشقـر كـف مخلابـه
من عتيبة هل المجد التليـد ومقتضيـن الديـن=قبيلة يفتخر فيهـا الحجـاز ونجـد وهضابـه
أهل يامرحبا وأهـل المـروة والمقـام الزيـن=ومقسمهم ببيت العـز مـن بابـه إلـى بابـه
وكلن فيه حقـه مـن بعيـد النـاس والأدنيـن=على ماقيل كـلٍ قـد جسمـه يفصـل ثيابـه
وحنا وحرب في هامة وطنا مثل عين وعيـن=شبابـه كـل موقفنـا سـواء والنـار شبّابـه
ذكرها لافي الغيدانـي الحربـي قبـل عاميـن=يقول اقرب ثنينٍ من بعضهم حـرب وعتابـه
[/poem]
وسلامتكم
| 
|
05-06-2010, 04:18 PM
+ 
العرض العادي
