منابت الكره

[الأدميرال]

منابت الكره تبذر في متون السحاب= ودورات الايام تلقحها من اصلابها
وحنا نشوف الخطا لاكن وين الصواب= يامزنها سمها من غيرك اولابها
هذا السؤال المحير مايبي له جواب = قد قيل اهل مكه ادرى الناس باشعابها
حلابة الذر مسقية الضوامي سراب = هندابها لايزال بنفس هندابها
يامغربلين المغربل لين ياكل تراب= ويشره على لحيته وينتف اشنابها
اموركم ماتعدل لو يشيب الغراب= نعدها عد لين نضيع حسابها
الضغط والسكري والياس والاكتئاب= امراض هذا الزمن وانتم من اسبابها
الباب واحد ولاكن عقبه الفين باب= ومن دونه الحيه اللي شامخٍ نابها
ياهون رحلة وصوله بس عند الاياب= ياطول حيرة قدم رجلك على بابها
ماقولها من طرب والا مجرد عتاب = لاكنها ضيقتي والهجس غنابها

صح لسانه ولاهنت على النقل شيخ الشيوخ