،‘
البارحه ياروح روحي خنجر عتابـك حديـد
ــــــــــ تومي بها واليا اسهبت بين الضلوع اركيتهـا
حُكم الغلا خلاك تطعني وانا اللـي مستفيـد
ــــــــــ فديتك انت وكـل طعنـه مـن يـدك فديتهـا
محبتك تجري بدمي من وريـد اليـا وريـد
ــــــــــ بين الضلوع العوج بخشتهـا وقلبـي بيتهـا
لينت لك قلب(ن) لغيرك مـا يلينـه الحديـد
ــــــــــ ولديت لك عين(ن) لغيرك مـا بعـد لديتهـا
وغنيت فيك النادرات الشاردات من القصيـد
ــــــــــ اللـي تثيـر الصمـت فالجمهـور لاغنيتهـا
ونشرتها باشهـر مجلـه للقريـب وللبعيـد
ــــــــــ على غلاف المختلـف كلـن قـرا منشيتهـا
عقدن يليق بجيدك اللي فارقن عن كـل جيـد
ــــــــــ والشفه اللي هرجها معسـول يخـرب بيتهـا
لاقلت اريد وقالت امر قلت مدري ويش اريد
ــــــــــ قالت علامك قلـت انـا بغيتهـا واخطيتهـا
مره من المرات في ليـل ٍ نسانيسـه جليـد
ــــــــــ هزتنـي الذكـرى وسرتنـي ونـا سريتهـا
مدري بطل مدري خبل مدري ذكي مدري بليد
ــــــــــ مير المهم ان العنـود اليـا دعتنيـي جيتهـا
وان شفتها عقب التعب والليل والبرد الشديـد
ــــــــــ واقـول ياليـت الليالـي كلـهـا ياليتـهـا
مرة شقاها للشقـي ولـذة سعدهـا للسعيـد
ــــــــــ والذ منها الجمره اللي فـي يـدي ضميتهـا
يالبيه يابن وسام وربي كل بيت قصيده
،‘
| 
|
03-28-2010, 09:12 AM
العرض الشجري