قصة الشاعر المعروف بندر بن سرور العتيبي

[المرجوج]

السلام عليكم ورحمة الله وبركاته

بسم الله الرحمن الرحيم



الشاعر المعروف بندر بن سرور العتيبي رحمه الله شاعر فحل من فحول الشعر من الذين خلدهم التاريخ للابد
وكان بندر في حياته مشاغبا ومزعجا للسلطات السعوديه اثناء حكم الملك فيصل حيث كان يهرب البضائع من الكويت ليكسب من خلال ارباحها لاختلاف السعر في ذلك الوقت ..
حيث يقول في بعض ابياته وكان يشرب الدخان ابو بس القديم


اشرب من ابو بس و أنسها نـس " " نس المهرب مع خطوط الجزيرة

ليا من عطى له ثالث قام يضرس " " خفر السواحل في طريقه خطيرة

شدة قصير ولا يمـر المهنـدس " " توّه جديـد و عالـمٍ بـه خبيـرة

يسري من الحدّين و يصابح الرس " " عليه بندر مـا يخونـه ضميـرة

جاب البضاعة من مغانيه بالـدس " " ماهوب شاةٍ ميتـة فـي حظيـرة

يالله يا منشي السحاب المطمّـس " " تفرج لمن مثلي عيونـه سهيـرة



اقدم سجاير ابو بس

السيارات التي كان يستخدمها بندر من نوع فورد موديل 1966م

وكان أمير المنطقة الشرقية سعود بن جلوي غاضبا من بندر حيث قبض عليه اكثر من مره ويخرجه أمير عتيبة تركي بن ربيعان امير الفوج التاسع بالحرس الوطني وهو من شيوخ قبيلة عتيبة اللي لهم كلمة عند الملك والحكومة وكان ياخذون تعهد على بندر بعدم التهريب الا انه لم يتوب من ذلك ..
وفي ذات يوم وصل للامير بن جلوي خبر ان بندر هرب بضاعه ولم يتكمن خفر السواحل من القبض عليه فامر بن جلوي ان يقتل بندر في حال القبض عليه ومعروف عن بن جلوي بقسوته وشدته وجبروته اثناء حكمه للمنطقة الشرقية .. فعلم بندر بهذا التعميم.

وذهب للشيخ تركي بن ربيعان وكان وصوله لبيت الشيخ في اخر الليل وقام بطق الباب بقوه والليل هادىء وصحى كل من هو نائم في البيت والشيخ بن ربيعان بالدور العلوي ففتحت الباب بنت الشيخ تركي وبعد ما شافت الرجل غير طبيعي ويرفع صوته وين الشيخ تركي ردت الباب وقال لها ابوها من اللي عند الباب يا بنت قالت رجل اعتقد انه مرجوج أي (مجنون) ويسال عنك ( وسمعها بندر وراء الباب وهي تصفه بالمرجوج ) فقال الشيخ افتحي له الباب خليه يدخل للمجلس دخل بندر المجلس ونزل له الشيخ وجلس جنبه وطبعا يعرفه حق المعرفه من افراد قبيلته وكان على علم بمشاكله, اتت بنت الشيخ بالقهوه فلتفت عليها بندريخاطبها بهذه القصيدة حز بخاطره وصفها له بالمرجوج
وقال

يـا سخيّـف الذرعـان مانيـب مـرجـوج
رجّـتـنــي الدنيا بغدر ٍٍ و ـحـيـلـه

يا بنت لـولا اللـي علـى تاسـع الفـوج
تـركــت نــجــد وعــــزوتي والقـبـيـلـه

لاشــك حاديـنـي عـلـى نـجـد هـيــدوج
مسقـي الفيافـي ليـن يـدرج مسيـلـه

تركـي ليـامـن الليالي غــدن عــوج
حـمــل عتـيـبـة كـلـهـا مـــا تـشـيـلـه

يرسي كما ترسي البواخر علـى المـوج
ومنـيـن مــا هب الهوى يرتكيـلـه

مـــادام تـركــي حـــيٍ مـــا ودي أدوج
وإن غاب غبت من الرجوم الطويله

حتى انا بندر ماني بمرجوج


عرف الشيخ بن ربيعان من الأبيات ان بندر في مشكلة ويريد المساعده وأبتسم الشيخ وقال ويش عندك يا بندر فاخبره بان السلطات السعوديه تبحث عنه للقبض عليه ويطلب منه ان يشفع له عند ابن جلوي حاكم الشرقيه وان الموضوع لايحتمل التاخير فصطحب الشيخ تركي ابن ربيعان بندر معه في سيارته الخاصه في نفس الليله ووصلوا الدمام بعد صلاة الفجر مباشرة وكان الامير سعود بن جلوي متعود كل يوم بعد الفجر يجلس بالمجلس للقهوه, فأوقف بن ربيعان سيارته مقابل المجلس وكان الوقت لا زال ظلام ونزل وترك بندر في السياره ودخل لوحده وسلم على ابن جلوي وجلس بجانبه ولما صب المقهوي الفنجال للشيخ بن ربيعان انزل على الأرض ووالتفت عليه بن جلوي وقال وش فيك نزلت الفنجال قال بن ربيعان لي طلب عندك قال اشرب فنجالك واللي تطلبه جاك الا بندر بن سرورفشرب بن ربيعان الفنجال ونهض من كانه زعلان وطلع من المجلس فعندما وصل للسياره وبندر ينتظره فيها على احر من الجمر ققال له ان الأمير سعود لم ينفذ طلبه و بن جلوي يهددك بالموت فقال بندر وما الحيلة قال له مافيه الا أن تذهب الى أبوظبي عند الشيخ زايد بن سلطان آل نهيان وتطلب اللجوء عنده وفعلا ذهب بندر الى دولة الامارات عن طريق التهريب



الامير سعود بن جلوي امير المنطقه الشرقيه

فلما وصل دولة الامارات دخل على رئيس الدولة الشيخ زايد في المجلس ايامها كانت الامور بسيطه بدون مواعيد وبروتكولات والشيخ زايد هو الحاكم الوحيد اللي مشرع المجلس مايرد منه احد الى ان


الشيخ زايد بن سلطان ال نهيان

مات الله يرحمه عكس كثير من الحكام الذين يصعب الحصول على مقابلتهم لانه عدل فأمن وقف بندر امام الشيخ زايد فعد عليه هذه الابيات الارتجاليه


ابدا بذكر اللي بسط سبع باوتاد
واللي رفع سبعاً بليا عمدها

واذكر للي صار غيثاً للاجواد
ماقبلها صارت ولا من بعدها

زايد على كل العرب بالوفا زاد
ساق المراجل لين وقف عددها

حلحيل حلواً مر زراع حصاد
كبداً يداويها وكبداً لهدها

حتى العجوز اللي ورا شط بغداد
سمت على الشيب الفلاحي ولدها

تبغاة يطلع مثل زايد ولافاد
ما كل من هاز الطويلة صعدها

ياشيخ انا جيتك على غير ميعاد
من خوف روحي لايجيها وعدها

وبعد ما انتهت القصيده قال الشيخ زايد الله يحييك الدار دارك معزز ومكرم,ولا احد له عليك سبيل ما دمت عندنا

ومن القصائد المدح في الشيخ زايد

بديت ذكر الله علـى كـل جابـه
يستاهل الذكرى العزيز الجليلـي
وقفت أمام اللي زبن من لجابـه
وهي وقفه المظيوم عند الأصيلي
يا شيخ أنا وقتي ضربنـي بنابـه
من واهج بالقلب حالـي نحيلـي
نـو تحـدر قيـل ويـن تهقابـه
واظن إ له من عند ربـه دليلـي
جعله علي الظفره ينثـر سحابـه
يسقي من الظفره ليا اطراف هيلي
يسقي وطن شيخ عزيـز جنابـه
شيخ عدل مجري الشريعة سبيلي
بدر الخليج اللى طلـع وارتكابـه
وارسي كما يرسي حفيت الطويلي
يوحش سلاطين الرجال اقتلابـه
لاهوب لايمسي ولامـن مقيلـي
يقفي ويقبـل مثـل سبـع بغابـه
حلحيل حيال علـي كـل حيلـي
ياما كسبنا الطايلـه فـي جنابـه
والله يخون اللى يخون العميلـي
واللهم صلي علـي خيـر مابـه
وإلا ترى الدنيا جزاها الرحيلـي


اشتغل بندر في شركه الدرويش او الكات احدى الشركات الخاصه في ابو ظبي بمهنة سائق وكان مغير اسمه بندر المنصوري, وارسل قصيده فيما بعد وزادت الطين بله يذكر انه لاجي ويحرض شيوخ عتيبه على الحكومه السعوديه وقال الملك فيصل الله يرحمه والله لانقبض عليه لانقطع لسانه وسبب زعل الملك هذه الفصيدة

دوك السويـك وشغـل الـفـرت يامنـيـر " " افـحـص عــلاه ودخـلـه بالكـراجـي

اللـى يبـا بنـزيـن ركــب مواصـيـر " " واللـى تـبـاه الـنـار ركــب بـواجـي

واليـا استعـد وصخـر البعـد تصخـيـر " " تصخيـر شيهـانـن لـفـرخ الـزراجـي

عـده عـلا الـلـى مايـعـد المخاسـيـر " " ركــاز عـمـدان الخـشـب للنعـاجـي

ثـم قـل لبـو بنـدر تـرا وقتـنـا غـيـر" " تبـدلـت سـحـب المـطـر بالعجـاجـي

وشيـوخ نجـد الـلـى تـهـد الطوابـيـر" " ينثـر لهـا حـب ٍ ســوات الدجـاجـي

واليـوم ناطـا نـجـد مـثـل الـمداوير" " نقضـي لـزوم ومسرعـيـن الهجـاجـي

رحـنـا انــدوج وأنتسمى المناصـيـر" " نمشـي علـى البـيـداء بلـيـا مـزاجـي

متـى يصير بنجـد بعض التدابيـر " "حتى يـجـي للصابـريـن أنـفـراجـي

طبعا القصيده اطول من ذلك بس حذفت منها ابيات حساسه جدا

استمر بندر في عمله

ومن قصائده وهو في المنفى

جينا حفيت ولا لقينا أشعـل اللـون " " ألا بحـمـرٍ يبهـتـن الحـديـدي

روس الطوال اللي ورى حد طحنون " " ياما بها من عنـز ريـم ٍ فريـدي

قم سو فنجالٍ ترى الشـاي لبتـون " " والماء الشريعة والهـواء مستعيـدي

مقيالنـا فـي طلحـةٍ ظلها دون " " نوب ٍ سموم ونـوب ٍ بـرد جليـدي

يسوى حياة اللـي سـواة التلفـون" "من شبتـه بيـن العجايـز بريـدي

راع البلد يا ميت القلـب مسجـون" "أضـرب تهاتيـه الخـلا تستفيـدي

أبطش ديار القوم والرزق مضمـون" "تصيـدك الأقـدار وألا تصـيـدي

وأحذر تخاف ألا الذي كون الكـون" "رب السماء محيي العظام الهميـدي



عزيزي القارئ نجد انه ذكر في الابيات حفيت وهو الجبل الموجود في مدينه العين على ما يبدوا كان ينتظر او على موعد من احد في عمل ما


ثم ذكر((( روس الطوال اللي ورى حد طحنون))) حد طنون ربما تكون منطقه بريه وذكر انهم ماوجدوا بها الا الغزلان والظباء في اخر الشطر(( يا مابها من عنز ريم فريدي))

(((والماء الشريعة والهـواء مستعيـدي))) ويذكر ان الماء اللي معاهم من منطقة الشريعه طبعا ماء الشريعه من المياه العذبه في الامارات



ومن قصائده الغزليه

عز الله إني جزت عن كل ما أقول " " لاشك ردتني على القول ضيحه!!
لا يا عيون اللي ليا صك بالجـول " " منه أبرق الجنحان عجل مطيحـه
يا عود ريحان رفع غصنه الطـول" " بستم قليبـه مـا يهـون ضبيحـه
يوم استوى عوده على داير الحول " " عجوا به التجار من زين ريحه!!
يا شيخة الخفرات بالزين وادلـول" " من مات من سبتك ربه يبيحـه!!

امضى بندر في الامارات كم سنه وقدم على طلب الجنسية الاماراتيه

ولكن كل محاولاته باءت بالفشل فأصابه مرض وتذكر دياره وقول الشاعر

بلادي وان جارت عليّ عزيزة .. واهلي وان شحو علية كرام

فبعد ما اشتد عليه المرض عاد الي السعوديه متسلل الى بيت الشيخ تركي بن ربيعان وقال له ابن ربيعان ابطلب عليك الملك فيصل وان شاء الله يعفو عنك
اخذ الشيخ تركي بيد بندر وهو هزيل الجسم وضعيف الى بيت قصر الحكم في الرياض وكان الملك فيصل يصلي في المسجد فانتظره تركي وهو ماسك بيد بندر فبعد السلام عليه قال ابن بريعان هذا طال عمرك بندر بن سرور سلم عليه بندر اشار عليه بيده قال الملك هذا بندر اللي ملعوزنا قال ابن ربيعان يا طويل العمر الرجال مريض وجاء يعلن التوبه وأطلبك عليه فحب ابن ربيعان راس الملك فإعفاء عنه

ارسل بندر فيما بعد قصيده لشيخ المناصير ابن سويد في الامارات اظن انه كان يتوسط له للحصول على الجنسية الاماراتية فبعث له هذه الابيات
ياراكب من فوق زيـن المداقيـر
قطع الحديد اللي عريض مقاسـه

عليه مـن ديـوان زايـد فواتيـر
مرهب سلاطين الـدول بالسياسـه

اللي بحكمه طور الشرق تطويـر
وابن الخليج النيـم طيـر نعاسـه

معارضوه الشرطه اللى على السير
حيث إن رقمه دارسينـه دراسـه

يوم ابتدى اللازم كفخ كفخة الطير
قفى يبي اللى منقع الطيب ساسـه

قصده لزوم عند شيـخ المناصيـر
ابن سويد اللـي عليـه الرياسـه

مودع فياض البدع مقصب جزازير
كم من حوار بالقسى قص راسـه

ابو حمد ريف السنيـن المعاسيـر
اللي جعل كـل المراجـل لباسـه

عدك إلياجيته بـروس المشاهيـر
روس الجبال اللي جنوبي حماسـه

اما اعتذر لـو ماتفيـد المعاذيـر
وإلا انت طلع فضته مـن نحاسـه


ولم يوفق في ذلك الطلب


وارسل قصيده اخرى لصديق له في الامارات يدعى سعيد بن سالمين المنصوري في مدينه العين واعتقد نفس الطلب

يأهل الونيت اللي تزايد عويلـه" "مكينته ذيب النصـارى شغلهـا

حده وقود النار وأبعـد مقيلـه" "شاقه بعيد العين وادنى جبلهـا

إليا لفيت العين اخذ لـك دليلـه" "لاتبدي الشكوى على غير أهلها

وأحذر يغرك من بسط لك شليله" "كم واحدٍ يبي العـلا ماوصلهـا

عليك باللي بالقسى ينعنـي لـه" "اللي ليا قـاد السفينـه عدلهـا

السالمين اللي خطاهـم طويلـه" "وسعيد زيزوم البلاوي فحلهـا

قل حاجتي يابو مبـارك ثقيلـه" "ما كل رجلٍ ينتخي لي حملهـا

وابغاك تدركها بحـالٍ وحيلـه" "عساك تاجد عند ربـك بدلهـا

و لا ترى الدنيا قريبٍ رحيلـه" "كلٍ تبي نفسـه تلاقـي عملهـا




اشتد على بندر المرض وتوفي الله يرحمه عام 1981م تقريبا في احدى مناطق قبيلة عتيبه غرب العاصمه الرياض