أستراحة الفكر والكلمة

[ساحر الكلمه]

الشاعر ..نزهان الركاد الشمري

ما تشبه العزى ولا تشبه اللات
للجاهليه في نواميسها مد
روادها مستوطنين السموات
واستبطنو ما يظهره راس مرتد
سد العمى حتى عيون المحيطات
لو كذبو ما للمحيطات من سد
حسيتها في كل ما تنكر الذات
متغلغله بعروق الانسان تمتد
سجانها وحدبها الاتجاهات
واقف على بوابته مالي الغد
مالك على ما تظهره غير طاعات
والمعصيه في طاعته مالها حد
ياله حكايه من طريف الحكايات
لو اشرحه طبلات الاسماع تنسد
هذا سمعته من صراصير حانات
لا ترويه عني ولا تاخذه جد
ان ادركو من وادي الجن ما فات
او اجهلو ينبيهم الجن ما عد
ما قصده العاصي من الجوف تمرات
شيمه ولا له في سما عرشهم ود
وان جازلك عطني بالافكار سجات
قل للضباع بغابته مالها ند
فراشته لو كانو ملوك غابات
بظلالها ماقلت ياواهبه زد
والساقيه لو تعطي الكل جرعات
ما دوخت راسن بالاسلام معتد
واللي غفا من دوخته غز رايات
واللي صحا في دوخته هدهم هد
ياحيها بعروش الاحياء موات
ياميتها بقلوبنا الميته سد
شفنا تفرعنا وفرن حمامات
منا وحنا كلنا مالنا يد
والنيل حط المحتوى في عربسات
والجيل من نيله وستين مستد
عذراء يقص بقصته لص شاشات
تشفي غليله باصبعن شوه الخد
والذاكره في محتواها سخافات
اهمها طفله عن العار توأد
يابو جهل يسعد زمان الجهالات
ما اعظم الغيره على طاهرن قد
ذكراك تبقى والنهايات كاسات
والساقيه بطيور الاخلاق تصطد
قامتلها دنيا وللدين قامات
لا قومو دنيا ولا قامو الحد
يافاتنه يام العيون الكحيلات
وجه الحياة بغربة الروح محتد
لو تحكميني في وصولي للابيات
واصلت تفصيله على ناعم القد
نارن بجوفي والبدايه نهايات
عاني وبوابات الاحلام توصد
ما جيتي من صد في بعض حالات
جيتك وانا في كل الاحوال منصد
هاوي خيال وضايعن بالخرافات
جهلي عظيم وكلمتي مالها رد
مجنون عاشق رابع المستحيلات
طيري على ما تنكر الدايره هد
بيني وبين اللي بنا لي متاهات
بيني وبيني بالمتاهات ملتد
زوادتي مابه سوا قوت الاموات
والجوع كافر والمعاناة تشتد
فكرن عقيم ولو نهده بالابيات
فض البكاره ما جنى شي ينعد
والاسئله متواصله باعتقالات
والمشكله طبلات الاسماع تنسد
واللي سمعته من صراصير حانات
لا ترويه عني ولا تاخذه جد

..................................

الفلسفة حب الحكمة

والغيرة حب الموت

والحسد قبر



يقول معروف الرصافي

وقتلته بالقول لابمهندي

والحرب أحرى أن تكون مقالا


الساااحر