& هدبها وأخر إعجابي &

[عبـ الهيلا ـرود]

أنا لامن ذكرت أول غرامي واخـر احبابـي
عرفت اني توسمت الشمال وشيمة المرقـى

حبيبي لا تلـوى بـك حنيـن طرقـه بابـي
تذكرني وانا بين القصيد وروحـي الحرقـى

حبيبي والليال اللي مضن لك حضنها اهدابـي
ليا هلت عبايرها بكت من ملحهـا الورقـى

ولا ياغلى من اللي لو يغيب احـس بغيابـي
ولا ياعذب من اللي صبته من كاسها الزرقى

تعبت من الوله والحسره اللي تـدرج نابـي
تعبت ارقى على رجم الهجوس ولاقدرت ارقى

وانا لو هي على ضيم الزمن ماثنى عتابـي
ليا مني قبسـت بعزوتـي يـاروق يابرقـا

عطوني من بياض الصفحة اللي طيب انسابي
مهيب هروج من سج الكلام بصفحة طرقـى

دخيل عيونك الحلوه هدبها وأخـر اعجابـي
دخيل أخر حروف في سواد المحبره غرقـى

علامك يوم غررت بخفوقي يـا اول احبابـي
ورى من قبلها ما قلت له عن لوعة الفرقى


الشاعر / خالد محمد العتيبي