أكبر طموحـــــــي

[سلطان بن محسن]

[poem=font="simplified arabic,5,white,bold,normal" bkcolor="transparent" bkimage="backgrounds/37.gif" border="double,4,gray" type=2 line=1 align=center use=ex num="0,black""]

أكبر طموحي في حياتي قصيده=ألقى بها معنى إلحياتي وذاتي
آصل بها كل الدروب البعيده=وأرسم بها روعة جمال المهاتي
ماهمني مال أو مراكز جديده=الكرسي الدوار ماله ثباتي
العمر يفنى والمرابح وحيده=المسلم اللي مايخلي الصلاتي
يبشر بجنات النعيم الرغيده=وحورن تلآلآ للنظر مقبلاتي
والكافر اللي سو فعله رصيده=ماعاد يمديه العذر والنجاتي
في مآقفن يجمع إلـــهي عبيده=والعين تدمع من فراق المباتي
مافيه راحه للقلوب العنيده=إلا القلوب الخاشعه ماتحاتي
دنياك ياراوي القدايم جديده=تغيرت عقب المطر والنباتي
زادت ذنوب الخلق وأمست طريده=يلقى بها الصياد خبز الفتاتي
دنياك عقب الستر صارت نقيده=مفاتنن طالت كثير البناتي
تعولمت يوم المعالم عديده=في صفحتن عقب السعه والفلاتي
يارب أنا طالبك أجر أستفيده=عن كل ذنبن يستشف إحسناتي
ومرافق اللي بان فعله وجيده=قرمن يطول الطايلات العواتي
وحب الهنوف أم الجديل الرشيده=اللي لها من كل حسن وصفاتي
حبن عليه من الشعور الأكيده=حبن على وضح النقى ذا غناتي
ونحت البيوت الخالده والمجيده=لعيون ربعي والأدب وأمنياتي
شاعر وإذا ماجيت قالوا فقيده=إلا أبشروا بالشعر والكل يآتي[/poem]