شبيه فلان...

[سلمان]

ياكثرها اشوف شبيه فلان

وايام يكون فلان ( موب من حبي له )

وايام يكون فلان عزيز وغالي واشوف الشبيه

واقول في نفسي هو هو ولا انا اتوهم

اروح اسئله لا لا يمكن موب هو طيب لو سئلته وش بيصير
يمكن يصير هو

بس
يمكن فلان تغير ومعاد عليه مني سوا شافني ولا لا
ريح نفسك يابو الشباب وساير الدنيا


واذكر مره كنت في مطعم

شفت شبيه فلان من الناس

وفلان للاسف تكفلت السنين اني انساء اسمه بس الي شفته في المطعم اعرفه
هو شبيه فلان طيب منهو فلان يا سلمان
مدري منهو فلان
بس اعرف الوجه موب غريب علي
اسئله وش اقول طيب ؟

انا مشبه عليك يا شبيه فلان بواحد بس ماعرف اسمه ؟

قت ريح نفسك يا سلمان
وخلي الحياه تمشي

مادريت الى الشخص الي كنت اطالعه الي هو ( شبيه فلان )

يقول ممكن سؤال يبو الشباب انا مشبه عليك ؟

جاوبته ايه وانا بعد بس ماعرفت انت من

قال صح انت سلمان معك فلان

ايه صح فلان عرفتك شلون فلان وفلان

المهم اخذت رقم فلان وفلان اخذ رقم سلمان

وراحت الايام لاشفت شبيه فلان ولاكلمته


ــــــــــــــــــــــــــــــــــــــــ

حتى في المنتدى ذا

في شبيه فلان عندي بس اعرف انه موب فلان لاكن نفس اسلوب فلان الخالق الناطق

منهم الاخت القديره شموخ النايفات في فترهمن الفترات حسيت انها شبيه فلان نفس الاسلوب


وفيه فتره


ولازلت

اقول سيوف تشبه فلان مدري ليش


احيان تشوف شبيه فلان

واكون متاكد انه فلان لاكن وش اقول له


واحيان اشوف شبيه فلان واكون متاكد انه موب فلان بس شبيه فلان


يكون شبيه له في وفي وفي

احيان اشوف شبيه فلان في ردة فعل فلان
وحيان اشوف شبيه فلان في زعل فلان
واحيان اشوف شبيه فلان في مزح فلان
واحيان يكون شبيه فلان لمجرد احساس حينما اتذكر فلان

وبس طولت ما

شكراً سيوف

اعجبني الموضوع

واعجبني رد الماجد


ياشبيه صويحبي حسبي عليك
كل ماناظرت عينك شفت ذاك


تحياتي للجميع