ياضيقة الصدر وش تبغين من صدري ؟؟

[اصايل]

صبــــــــــــــاحكم شعر




اتمنى تروق لكم كما راقت لي ,,,,,,,,,,,,,,,,,,,



/





/







ياضيقة الصدر وش تبغين من صدري


سيفك علامك على صـدري تسلينـه



هو نقص مني وعندك نـازلٍ قـدري


ولا طبيعـه ومـن مثلـي تمريـنـه


وقفّت بينك وبين الوقـت والغـدري


ونظرت فالوقـت يامكثـر مساكينـه


ثم زادت الضيقه اللي تشبه الجمـري


من حين كلٍ قرب ثـم حـد سكينـه


حتى خوي الرخاء يدري ومن بـدري


اني بحاجـة ولكـن مـا الله امعينـه


ينكر وفاي وجـزاي ايبادلـه نكـري


اعطيه جزله وهو يعطينـي الشينـه


يوم انها صمّلت ماهو علـى خبـري


وفعل الردى للضعّيف دايـم ايهينـه


انا اشهد اني خسرت وباينٍ خسـري


ياكيف شينه تجـي مـردود للزينـه


لكن ابجري مع الدنيا وهـي تجـري


وابحتمل هالزمن فـي شـده ولينـه


حتى لـوٍ الليالـي صايـره عجـري


تبى تعدّل بـذن مـن عزنـي دينـه


اهم شي اتسلـى واسمـع القمـري


لا قام ينشد بصوتـه فـي بساتينـه




:)