اعتبر مسياري لجارك ضروره..لجل أوقف موتري قدام بيتك

[صاحبة الفخامه]

مساكم / صباحكم
ورد جوري

هذي قصيده احبها للشاعر / مدغم ابو شيبه
نالت اعجابي واتمنى تنال اعجابكم..




لايغرّك حجب دمعي عـن ظهـوره
لاتقول أنّـي سليتـك !! ماسليتـك

دايم أستر دمع عيني ستر عـوره
والاّ أنـا ياااامـا تضايقـت وبكيتـك

أوّله يوم الغـلا فأربـع شهـوره
وآخره في يـوم جيـت ولا لقيتـك

أعتبر مسياري لجارك.. ضـروره
لجل أوقّـف موتـري قـدام بيتـك

وأنتظر لي ربع ساعة.. عند سوره
ماخبرت أني دخلته.. ما أحتريتـك

وأنت تأخذني على عميـا مشـوره
مسرفٍ بي لارحـم حيّـك وميتـك

تحسب أنّـي ناسـيٍ حبـك ودوره
لونسيت ابـوي وامـي مانسيتـك

الله اللي حطّ لك في العين صـوره
و الله أن يمحا نظرهـا مامحيتـك

تلمحـك روضٍ يقلدنـي زهـوره
ناعـمٍ لـو أنّـك بتوكـل كليتـك

موج حبك في الحشا صفقه وفوره
والظنون تسـد نفسـي لأشتهيتـك

وش تعللها عليه مـن الخطـوره
يامـعللها علـى ليتـك وليـتـك

واحدٍ من طاري أسمك طـق زوره
وش يقول أن سمع ( لبيك وفديتك )

عذره بمخباة لـو يفقـد شعـوره
وأنت عذرك لارمـاك الله رميتـك

لاتهـز الغصـن وتطيّـر طيـوره
أتق الله وأحتـرم مجـدك وصيتـك

وأن حداك مساير النفس الغيـوره
مرحبـا مـن واحـدك لكمبليتـك

أرمني فالنار من عميـا مشـوره
وأسرف أسرف لارحم حيّك وميتك