وبالحيل نملى فارغـات المواعيـن
بيض الصحون ومكرمات الصيانـا
للضيف والجيـران والمستحقيـن
إليا مـن وهـاب العطايـا عطانـا
ابيوتنا للضيـف مثـل البساتيـن
يفرح بها الملهوف ليلـة ضوانـا
نجود بالماجـود بالعسـر والليـن
وضحك الحجاج وما حلا من نبانـا
حنا على حفظ المواجيب حرّصيـن
مانعطـي الخاطـر قراطيـع مانـا
والجار له واجـب وحنـا وفييـن
ندعيه للكرمـه ولـو مـا دعانـا
جيرانا دايـم حشـام وعزيزييـن
وندرا شرفهم عن كـلام اسفهانـا
حنا بوجـه الجـار دايـم جديديـن
يزيد مـع زايـده اسنينـه وفانـا
وان جاء نهار المعمعه واللغا الشين
نبيع غـلا الـروح دون اقصرانـا
وان راح مانشذب قفـاه بسكاكيـن
نحمى مجاله عقـب عنـه انتحانـا
وخوينا لو هو من اللـي معاديـن
يأمن بنـا فـي كـل درب مشانـا
ليا عودة عشر اكثر الناس ثنتيـن
وصاروا بغرات الخـوي عقربانـا
وحنا ليا صرنـا بـدرب متخاويـن
نرعى الحقوق ولانخـون خويانـا
الشاعر الكبير كديميس العصيمي
| 
|
05-27-2009, 06:27 AM
المواضيع المتشابهه
العرض الشجري