المحترم يفرض علينا احترامه

[عيد قيضي البلوي]

[align=center]السلام عليكم ورحمة الله وبركاته
يشرفني الحضوروالمشاركه في منتديات عتيبه العريقه ومصافحتكم
بهذه القصيده لعلها تنال استحسانكم 0 وفق الله الجميع
يقول [/align]
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
النفس تأبـــــى زلة فلان وفــــــلان = والعفو طبع أهـــــل الكرم والشــهامه
نكون في وجه المعــــــادين عدوان = والمحترم يـــفرض عـــلينا أحــــترامه
والناس مانطلب من النــاس غفـــران = نطلب مـن الله العفو والسلامــه
والحال عسر ويسر وأفراح وأحـزان = تناوب أظروف الزمان أستلامه
وأشيل حملي لوهو أشــكال وألــوان = والهـــــم يثقلـــني لوانه جرامـــــــه
لولااك يانا يف ليا جيت تـــــــعبان = ترهي عــلي في حبــة وابتسامـــــــه
وتضمني يا نور عيني بالـــــحضان = وتدخل على قلـــــــبي تغير نظــــامه
وتفك في قلبـــي مغاليق بــــيبان = وتسطـــي على باب الزعل واقتــحامه
ارضى على شانك ولو كنت زعلان = ويذكر علــي فضل الصبر وألتزامه
أوصيك كان انك تبا رفعة الشـــــان = بالعلم يابن عــــــــيد والاســـــــتقامه
اتبع نبيك في تــــعاليم الايمـــــــــــان = مثل المصـــلي يوم يتبع امامـــــه
العلم يابن عيد حياة الانـــــــــــــسان = يرفع مقاديرة ويرفع مقـــامــــــــه
ترا الدعا مقبول في بعض الاحــــيان = بـــين الاذان وبـــين وقت الاقـــامــــــــه
وأنااطلب المولى مفــــهم سلـــــيمان = يفهــــــمك بالدين كـــل الفـــــهامــه
يحفضك بالقــلب ســــــــــنة وقــران = تمشي على أرض اللــــه وتقرا كلامه
اوصيك يانايف ليا جاك ضيفان = خلك كريما من رجال الكرامه
ون جاك من الناس عاني وشرهان = اعرف ترى ان الوقت والفقر ظامه
الجــــود مايثر على المال نقــــــصان = وصعباعلى بعض الجال اعتصامه
وأكمل حقوق الجـــار في كل ميــزان = وصل معه بالطيب ذروة سنامــــه
والـّربع لك عزوه والاخوان جنــــــحان = ولا تنوصل مــن دون عزوه زعامه
والراي شورى بيــــنك وبين الاخــوان = وخذ النصيحة لا تصيبك غشامـــــه
العمر نوب يروح فـي زلــــة لســــــان = أوصيك يابن عيد درك ازمامــــــــه
واحذر ترا للنفس نــزغـــات شيـــــطان = تروح لذتها وتبق النــــــدامــــــــه
واختار لك من خيرة الناس صـــــــدقان = والاردي الناس حذرك لـيامـــــــه
ولا تطاوع الواشي ليا جاك عجــــــلان = لوكان صايم لايغرك صـيامــــــــه
يظهر غلاك ان جـيت يــحلف لك اديان = وتطعنك يومنك تقفي اسـهامــــــــه
وابوابك لاتبدي على ابوبك خــــــــلان = خل اهتمامك فيه مثل اهتمامــــــــه
كم ليلـة نمــت انــت وأبــوك ســـهران = يسهرعلى شان انت ليلك تـنامــــــــه
واعرف ترى المحسن يجازى بالحسان = في يوم تقصرما تشيله عظامـــــــــه
وصـــــلاة ربـــي عد همال المزان = عــلــى شفيع الناس يوم القيامــــه[/poem]

[align=center]وسلامتكم اخوكم الشاعر عيد بن قيضي البلوي[/align]