ثالث حبيبه

[؛؛ابو ريناد؛؛]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا قبل ما بلغ من العمـر عشريـن=حبيتلي فـا الكـون ثالـث حبيبـه
ما حب قلبـي قبلها غيـر ثنتيـن=ياليتهـا مثـل الحبايـب قريـبـه
أزاور الثنتين مـن حيـن لا حيـن=ومريـم زيارتهـا عليـه صعيبـه
مقدارهـا عنـدي وعنـد الملاييـن=وزنه ثقـل مقـدار مكـه وطيبـه
وحبيلها بخـلاف حـب المحبيـن=اللي يلاحـظ فيـه شكـه وريبـه
وحبيلها تمليـه الأخـلاق والديـن=ولابه من المنقـود عيـب يعيبـه
وأنا مابا الاشوفها شـوف بالعيـن=وحال أبرهه بين الحبيـب وحبيبـه
شريفـةٍ محبـوبـةٍ للشريفـيـن=بكف الخبيث اللـي يبيهـا خطيبـه
يالنود ياللي فـي سنعهـا تهبيـن=اقفـي بسراهـل الهـوى وقبليبـه
اذا تكرمتـي بعـد مــا تـوديـن=علمي لها اخذي علمها وأرجعيبـه
وقولي محبك لايعـه لايـع البيـن=من الشوق غاديتٍ ضلوعه حطيبـه
ومن يوم مرسولي عطاها العناوين=من البعد زارتنـي زيـارة غريبـه
يوم الدجى الداجي زلف منه ثلثيـن=فا الحلم جتني عقب طول المغيبـه
ومن الفرح سألتهـا وش تريديـن=قالت على أحبابي جروحي عطيبـه
ما تدري أني من ثلاثـه وخمسيـن=وطرفي من اللوعات يجري شعيبـه
واحفاد خلاني لـي اليـوم ناسيـن=وانا انسبي مثل السبايـا غصيبـه
والله لو ان اجداد الاحفـاد حييـن=مـا تنحنـي هاماتـهـم للغليـبـه
واحبابي اهل المجد عينتهـم ويـن=اللي لهم في ماضي الوقـت هيبـه
أقصد هل القرآن وأهل الصحيحيـن=وهل العزايم وأهل الاريا الصليبـه
واهل الحديبيه واهل بـدر وحنيـن=واهل سيوف من عداهـم خضيبـه
اللي عن السنـه ماهـم بمتحاديـن=ورجالهم في الحرب ينطـح كتيبـه
لو أن جمع عداهم اكثر من الصين=لاشب سـو المـوت وردوا قليبـه
ولا يرتعون مرجحيـن الموازيـن=بمراتع الحقران لو هـي خصيبـه
ماهم هل الاعراف واهل القوانيـن=وهم مسلمين ومن جـدود عريبـه
قلت الذي يابنـت عنهـم تساليـن=ركزت عليهم فا اللحـود النصيبـه
وحفادهم صارو مثل مـا تشوفيـن=ما خلصوك من الظروف العصيبـه
لو انهم علـى الكرامـه غيوريـن=ما نامو الانـذال وانتـي صويبـه
رجالهم بالثـوب والمنظـر الزيـن=يفوق تلعا الجيـد شقـرا الذويبـه
وأن دار فن الحرب بين الفريقيـن=على العدا الرعديـد مـا ينعديبـه
يسافر من أجل العلم رخو الجناحين=وليـا لفـا للـدار بعـد تغريـبـه
ليا هو مصدٍ عن طريـق المياميـن=ومضيـعٍ دينـه وعيبـه بجيـبـه
وصارت حياته بين كـازا وبكيـن=يا عزتـي عـن جـادل تعتزيبـه
ولا عـم لكـن النشامـى قليليـن=يخط الهدف عشره وواحد يصيبـه
وكانك تبين النصر من جيل الالفين=مهـمـة على الـزلايـب تعيـبـه
صارو بسيف الحيف والذل راضين=من عقب ديد الذل شربـو حليبـه
انتي من انجال القـرود الخبيثيـن=مجروحة(ن) جـرح يحيـر طبيبـه
وهم في الملذات الرخيصـه مفليـن=مثل البهايم في الفيـاض العشيبـه
ومن جبنهم يشكون من ظلم ياميـن=على عدو الديـن الاخـر صحيبـه
اللي على نهب الديـار متواصيـن=كـل يبـي يجيـه منهـا نصيبـه
ونداك ياللي فوق الاشهـاد تنخيـن=لا معتصـم لامـن صـلاح يجيبـه
وحنا بعد كنا على الضـد قاسيـن=ونثبت على ما صابنا من مصيبـه
اليـوم نمشـي للمذلـه مطيعـيـن=نلوى مثل خضر الغصون الرطيبـه
المسجد الاقصى تحت بطش رابيـن=ونشجب ونستنكر بعد مـا غديبـه
والشجب في الاعلام ما يقضي الدين=ولا تستعاد بـه الحقـوق السليبـه
ان ماحصل يوم مثل يـوم حطيـن=كـل أذاعـات العالميـن تحكيبـه
مـن دون بيـت ثالـث للحرميـن=نبيـع الأنفـس والحيـاه بزبيبـه
ان كان ما عشنا عليهـا عزيزيـن=عيش المذله والجبـن وش نبيبـه
وياللي لتفريـج المصيبـه ترجيـن=ارجي فرج راع الفرج وابشريبـه
مغيـر الأحــوال رب الثقالـيـن=اللي من اخلص بالعمل لـه يثيبـه
والحق شمسه تجلي الليـل وتبيـن=والظلـم مهمـا زاد ثلجـه تذيبـه
وصلوا على خاتـم جميـع النبيـن=اللي الى القدس الشريفـه سريبـه[/poem][align=center]للشاعر:


غازي بن عون ..[/align]