زعب قصة وفاء من اروع ماقرأت وقصيدة الاميره بنت امير شمل زعب ابن غافل

[السنام]

الموت والهيبه والعز للعتيبه ، انقل لكم قصيدة
قالها المرحوم الشاعر/ ناصر بن دغيم بن حمد العريدي العتيبي
احد ابناء عمومتكم ممن عاشوا مع زعب وبخصوا السحوب عن قرب اسمعوا شهادة واحد من شعاركم وشيبانكم ما هو الصانع اللى ترقى سماك وبعدين صار فقيه بالسوالف والاصول :

عند الضحى شرّفت في راس مابان رجمٍ طويلٍ يتعب اللي رقـى بـه
وحوّلت أنا من عالي الرجم بحـلان وأخيل لـي نـوٍ تعـزّل ربابـه
عسى الحيا يذكر على خد قصـوان وعلى برقيـه والحسـي وجنابـه
لو كنت في خوعا ترى الفكر حيران والعين ماشافت أحـد ودّهـا بـه
ياونتي ونّـة مريـضٍ ووجعـان طب الدخاتر ماعرفوا وش صوابه
على ربـوعٍ ناحييـن بالاوطـان من جورهم تشذي قنيـب الذيابـه
بيوت الشيوخ اللي لها ظل وأركان بيوتٍ على وقت النبي والصحابه
كم واحد من فعلهم مـات خسـران أخوان وضحى سم من حد نابـه
آل السحوب اللي على طول الأزمان أهل الصخى والطيب في كل اجابه
تسعين صفرا سلموهـا بالأرسـان من دون ذود الجار وقبل الحرابه
علمٍ صحيح وصار للعلـم برهـان ويشهد على ماقلت صفحة كتابـه
وربعي زعوبٍ يوم زوغات الأذهان عدوهـم سـم الأفاعـي شرابـه
وابطلب الله الولـي رافـع الشـان مزن من المنشا تكاشـف سحابـه
يفرح به اللي جا مضوي وعطشان من غب سيله يعجب اللي مشى به
به حده من الوفرة ليا كمـب ظهـرا وعلوها الباطن وصلـب اللهابـة
عشـرة أسابيـعٍ ويسقـيـه ودّان لين الزبيدي فيه كلـن درى بـه
وصلاة ربي عـد ماصايـرٍ كـان على الرسول الواحد المهتدى بـه


رحم الله قائلها والرجال اللى شرواه ما هم اللى لا ناقة لهم ولا جمل وتمشى بس بالمنتديات اطق بشيوخ زعب وتحط الفتنه بينهم ، على الطلاق ما يسويها واحدن فى راسه نعرة واصيل قالوا
ولى زمان القبايل يا زمان الدراويش .

الله يجلكم من فهد بنت عبدالعزيز بنت الصانع الثميرى

بيوت الشيوخ اللي لها ظل وأركان بيوتٍ على وقت النبي والصحابه
كم واحد من فعلهم مـات خسـران أخوان وضحى سم من حد نابـه
آل السحوب اللي على طول الأزمان أهل الصخى والطيب في كل اجابه
تسعين صفرا سلموهـا بالأرسـان من دون ذود الجار وقبل الحرابه
علمٍ صحيح وصار للعلـم برهـان ويشهد على ماقلت صفحة كتابـه


والله المستعان