الإبـــــــــل

[صقر الشيابين]

يامحلا ممشاً مع الإبل مراويس ~~ لاصار نبت الوسم جاله مواري

واشوف فيه الإبل رتوع ومعابيس ~~ اللي تشوق القلب سفن الصحاري

ترعى على المقهور عنده مغاريس ~~ ترعى النبات وتشرب من الخباري

في ديرةٍ ماطش فيها غرض كيس ~~ ولافيه غير الإبل وجول الحباري

فيها بكار اثنى وفيها سواديس ~~ تعجبك يارجلٍ على الطيب ضاري

سند الغوارب مبعدات المراميس ~~ سهاف الوجيه اذانها كالشباري

اعراض الجنوب مكسبٍ للسناعيس ~~ بالسيف الاملح والنمش والسواري

حنا لها نتبع هواها عواسيس ~~ في الصيف ولا في حتون الصفاري

مرباعها في موقعٍ مابعد ديس ~~ قفراً خلى ماجاه غير الحباري

صح الله لسانك اخوي وقصيده جزله من لسان جزل