قصيدة الشاعر / محمد غازي بعد رجوع الشيخ / سعود الدهينة من رحلته العلاجيه

[طارق النفيعي]

مساءكم الله بالخير يالربع .. كيف الأحوال والأخبار ..!!

هذي القصيدة لها فترة عندي وأكتشفت أنها ما نزلت في عالم المنتديات فماحبيت أبخل عليكم فيها ..

طبعا القصيدة للشاعر / محمد غازي النفيعي والتي القاها في حفل السياحين
من المساعيد من النفعة
في منتجع روز بالرياض وذلك بمناسبة رجوع الشيخ / سعود بن مقعد الدهينة - حفظه الله - من ألمانيا

حيث إجريت له هناك بعض العمليات الجراحية والفحوصات الطبيه التي تكللت ولله الحمد بالنجاح

وذلك على نفقة
صاحب السمو الملكي الأمير / سلطان بن عبد العزيز ال سعود ولي العهد الأمين حفظه الله

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الســــــلام ورحمـة الله لا ابتديت=ردةٍ على حضــــــــــور الإحتفال
عن فرح شفـــــاك ما والله ونيت=نمتثل لك فاللــــــــــــوازيم امتثال
شـــاش رأسي عز يوم إنك لفيت=والفــرح عم الوطن والحزن زال
عــــــــافيتك أكبر منانا لو دريت=لجلك الأرواح ماتســـــــوى ريال
ولو فيه أعـظم من الروح افتديت=لجل يبقى الطيب مابين الرجـــال
أنت نســــــل اللي لهم بالعز بيت=مالقينا فالعـرب مثلك مثــــــــــال
لا انذكر سعــود بن مقعد عليت=كن روس جــــــبالها عندي هيال
لو أعدد فالوصـــــــايف ماقويت=تقصر احبال القصاصيد الطــوال
تاقف الكلمــــــــات لامني شديت=يخجلن بوصف ذربين الفعــــــال
ولو أبي أوفي بشعــــري ماوفيت=كيف تاريخك يحيط ابه المقــــال
ياسليل المجــــــد ماعمرك هفيت=تترك الهزلات وتشد الجــــــزال
ويم حـق الناس لك جاهه وصيت=أنت حــــــلال الصعيبات الجلال
مع دروب جدودك الأولى مشيت=واحتملت وشلت مجدٍ كالجبـــــال
كلنا راقـــــــــــــين لامنك رقيت=وكلنا لاطبت صرنا بطيب فــــال[/poem]

أخوكم / طارق النفيعي