سحايبه !!

[عادل العتيبي]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياصاحبي والنفس ماهيب تايبه=عن حبكم لو كان زادت مصايبه
قلبي دليلي والمشاعر تدلني=والحب يشعب في خفوقي ركايبه
مانيب غايب عن سماها وجوّها=مدام عيني تلتفت في سحايبه
اسج رجلي يم داره وديرته=سج الخصيم اللي يثاري طلايبه
عزاي لامريت شرقي بيوتهم=هليت دمعي لين جاد بسرايبه
على هنوفً زاهيه في جمالها=هي زينة العالم وثامن عجايبه
ياشبة عفراً بأول الذود موقفه=لاهيب لافاطر ولاهيب عايبه
يردم شحمها فوق كومة فقارها=ولون شعفتها زاهيٍ مع ترايبه
هي ساكنة في وسط قلبي ومهجتي=ماهيب عن فكري بعيده وغايبه
تزورني لاهبت الغرب بالهوا=لاذع ذع الغربي وهبت هبايبه
وذكرت برقعها ونظرات عينها=والبسمه اللي في شفاياه ذايبه
والله لــ / أموت وماتمنيت غيرها=قلبي شغوفً في هواه وحبايبه
والعلة اللي في خفوقي تلوعني=أسبابها وأعراضها من سبايبه
وان كان ماجتني وجاني علاجها=حطوا على قبر المولع نصايبه[/poem]