صــــح الله لــســانــي !!

[عادل العتيبي]

ألآ يازمن لحظة

ولاتكشف المستور


وخل السوالف بين


ق
ل
ب
ي

و

شرياني

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ألآ يازمن لحظة / ولاتكشف المستور=وخل السوالف بين قلبي وشرياني
وخل الكلام الصح ياقف على الحنجور=علّمك وصلني من قديم وتعداني
تدور السنه ماعالج العله الدكتور=وانا من سبايب صدته عشت مرضاني
ألآ كيف تجرحني يبو جادل(ن) منثور=وانا أجيك وأعلّق على شوفك العاني
وأنا آقف على بابك مثل وقفة الناطور=ورددت بك أجمل قصيدي وقيفاني
صفق لها قلبي قبل صفقة الجمهور=وأقول تسلملي وصح الله لساني
وأنا كل ماتطري / بعد شفت منك الجور=أشوف القمر وأقول لاحي يليحاني
تجيبك لذة عيونك على دمعة المقهور=وتشمت بعد فيني وشمتت عدواني
أسمع // ولا كلمة ترى الدم قام يفور=وربي تذوق الموت لو جاك ماجاني
أنا أبغى يمين الحق ما ابغى يمين الزور=أنا ملتي مسلم ولانيب نصراني
وبحر الهوى يمشي على موجه البابور=ولا أدري بحر همي على وين وداني
وانا آقف لياجيتك على ساقي المكسور=وأفز لك كأنك من أعداك تنخاني
أفزلك بشعور ولا بدون شعور=وأنزّلك مابين قلبي وذرعاني
ينادونك فلانه وأناديك بنت النور=وأبديك ياروحي على فلان وفلاني
أنا كيف أبسلى عن جمال العيون الحور=وطيوفها مع كل ساعه تبلاني
رجيتك تفك السحر عن عيشه المسحور=من قبل لا تبكي عليّة وتنعاني
ورجيتك تفك الهم عن حاله المذكور=وأرسل خطاب الشوق صفحه لعنواني[/poem]