الرموش المظاليل !!

[عادل العتيبي]

[ من الأرشيف ]



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يابنت يلي فوق خدك مناديل=يلي على فرقاي دمعك تهله
لاتذبحيني بالرموش المظاليل=يم الرموش الناعسه والمظله
يبو جديل(ن) لــ/ انثنى كنه الليل=يشبه ذيول مهاوزات الأظله
تشوف خلق الله جنون ومهابيل=لاجات بالملعب وقامت تفله
ياوردتن مالت على ظفة النيل=يملها ريح النسيم وتمله
بنت(ن) تشابه للنجوم القناديل=ماهيب صورة في غلاف المجله
ليتك تعذريني بقطع المراسيل=خل العتب في ماضي الوقت خله
واليوم ابا احكيلك جميع التفاصيل=وأشرحلك الموضوع دقه وجله
ابوي وصاني عن الهس والميل=جاب الكلام وثبته في محله
ماتدمح الأعذار عرض الرياجيل=لأن الشرف أكبر من العذر كله
ويش العذر في بنت ذباحة الحيل=قوم(ن) تعقد الحبل ولا تحله
وويش العذر في بنت شرابة الهيل=يضمابها ريقن وريقن تبله
وانتي نسل من في اللقى يتعب الخيل=يصطي على الجمع الغفير ويهله
وهرج القفى يمشي مع القال والقيل=يمشيبها من حطنا في سجله
ألي علومه كلبوها تهاويل=من شوفنا جاله ثمانين عله
وما أنساك لو تنسى العرب قصه الفيل=وطويق يمشي ويتغير محله
والشام ينزل من ورى هضبة هذيل=محدن يجي يمه ولا أحدن يدله
وشمر تعيف دلالها والمعاميل=والبن الأشقر تتركه ما تزله
وعتيبة الهيلا تعيف الفناجيل=ويظلمبهم من حطهم محزمن له
وآلاد وايل يتركون المصاقيل=أيمانهم للسيف تعجز تسله
وقحطان مال بيوتها في المداهيل=وضيوفها تلقى العنا والمذله
ومطير والصمان تتركة وتحيل=وتنكر فعول أجدودها بالأدله
ولو لقحوا بنت العبيه من شعيل=والذيب يبرك للشداد ويشله
ما أنساك لو أقطع حبال المواصيل=يبو جديل(ن) جعلني فدوة له[/poem]