قصيدة الإسبوع

[عبدالله المرشدي]

[align=center]القصيده الفائزه بإغلبية التصويت لهذا الإسبوع

هي بعنوان ( أعذب من النيل)

للشاعر عصام المرشدي


على هذا الرابــــط


[/align]




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الجادل اللي لها فكر العنا يستدير=ازريت لاأنسى مشاهدها وكلماتها
ماشفتها الاهكى الصدفه بوقت العصير=تمشي على هونها غافل بنياتها
نشدتـــها ثم ردت يــم اهلــها تسيـــر=ومن الحيا ماقدرت أتبع خطواتها
حاديني السلم واخشى من كلام يثير=سوالف تفرح العاذل وشماتها
أصير انا المتهم من ميتين الضمير= اللي يجيبون حجه ضايع إثباتها
واقفيت ارتب على الوزن الطويل العسير=مثايل عن هوى نفسي ورغباتها
في الشعر ماني بأبوتمام والاجرير= لكن بيوتي مع السبع ومداراتها
أورد الوارده وأعرف حساب الصدير= وافتل عسير المعاني وانقض ابياتها
لعيون بنت الرجال ام الجمال الكثير=اللي بسن الصبا بأول بداياتها
الجسم غصن نعم عوده بجال الغدير=لامالت الريح مال مع إتجاهاتها
والخد برق الدجى والجسم ملمس حرير=والعنق ريمية قادت وليفاتها
والهرج منها لوانه بس نذر يسير=اعذب من النيل يوم تقول هرجاتها
غرشة عطر يوم أوصفها ونسمة عبير=حطت دلال البني في وسط مخباتها
من كثر مافيه فيها من جمال مثير=من الحسد والقشر زعلن خوياتها
الرابح اللي على السنه تحطه عشير=ويقضي أيام عمره في ملذاتها
أول هوى في هواها مايصير الاخير=يدفن شقى ماضي ايامه بجناتها[/poem]

[align=center]وقد حازت على 4 أصوات فألف مبرووووك[/align]