قال الذي

[فهيد مقعد الرويس]

السلام عليكم ورحمة الله وبركاته

اعضاء وزوارهذا المنتدى الشامخ اليكم هذه الابيات لعلها تجد شي من الاعجاب


[poem=font="Simplified Arabic,4,blue,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
قال الذي من زين الامثـال يختـار=فكره يصنف له علـى كـل سيـره

لا افتـر دولاب التفاكيـر وإن دار=يبدع حسين القـول مـا يستعيـره

ياخذ مع الطاروق سجـه ومشـوار=مشوارهجسٍ منبعه مـن ضميـره

هاجوس من ينقى غزيزات الاشعار=لا مـادحٍ عمـره ولا ذم غـيـره

سوق السلع مختلفةٍ فيـه الانظـار=والعرف ما يخفى الرجال الخبيـره

والمدح ما يرفع من الناس قصـار=والذم ما يهفـي البخـوت الكبيـره

والقل ماعذرب طويليـن الاشبـار=والمال ما اغنى اهل النفوس الفقيره

والشار يوخذ من حكيمين الاشـوار=والشعر مـا كلـن يجيـد تعبيـره

الشعر لـه مدخـال دربٍ ومظهـار=رجـلٍ يعيـر لـه ورجـلٍ يعيـره

ياجاهلن بـدع المثايـل بالأسطـار=الشعـر خلـه لا تعرقـل مسيـره

خله لأبو نايـف ليـا عـد بيطـار=حيثه من حساب الرجال الشهيـره

اللي لهم بالعرف مـارد ومصـدار=ولا ينحصون اهل العقول المنيـره

يصعب علـي اعدهـم كلهـم مـار=مع ساير العربان فـي كـل ديـره

قلته وكلاً عنـده ادراك و إبصـار=والسيل يعرف واقعه مـن عويـره

وصلاة ربـي عـد ماطايـرٍ طـار=على بشير الحـق وايضـاً نذيـره [/poem]

وسلامت الجميع