من روائع الشاعر : بندر بن سرور ( رحمة الله )

[رائد الشيباني]

[poem=font="Simplified Arabic,6,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
أنا الذي شفت البـلاوي وصديـت = ومن باعد الصدات قلّـت شطونـه
ماني ونا بندر بهيـت ٍ ولـد هيـت = هيـت يجامـل خمـة ٍ يكرهونـه
من كثر ما جربت واقبلت واقفيـت = قولت هلا من لا يـودك مهونـه
والله يا لولا قول يا رجـل زليـت = لاعـد شـي مـا ترقـع شنونـه
سلط على النصراني اللي لقى الزيت = يا عل نبع الزيت يعمـي عيونـه
لولاه تحتـاج المراجـل شفاليـت = تحتاج شي يقصـر النـذل دونـه
عزم ٍ على الفرجه وقطع الخلاء الميت= حتى عيال البـوم مـا يقطعونـه
ثلاث مـن كـل المعانـي تنقيـت = واللي بقـى كـل المـلا يقدرونـه
مابي جزاهن غير من خالق البيـت = عمالهـن للنـاس مـا ينفعونـه[/poem]