مـرحــوم ياعــود

[راعي المارج]

هذه القصيده مرثيه في فقيد آل فهيد : ناصر بن فهيد بن ملفي الغربي (رحمه الله ) الذي انتقل الى رحمة الله

يوم الاربعاء الموافق 8/ 5 / 1426 هجريه. ودفن في محافظةشقراء


[poem=font="simplified arabic,5,black,bold,normal" bkcolor="burlywood" bkimage="" border="double,5,black" type=0 line=0 align=center use=ex num="0,black"]
مرحـوم ياعـود بشـقرا دفـناه = مرحوم ياراع الوفاء ذابح الحيل


عوداً رحل ماباع دينه بدنياه = مرحوم ياعود سجد تالي الليل


يسجد لربه طالب العفو ورضاه = ويكثر من التسبيح هو والتهاليل


فهيد بن ملفي على الطيب رباه = مرحوم يانسل الرجال المشاكيل


معتاش يوم ان المعوشه بيمناه = يوم المعوشه ما تجي بالتساهيل


ياما سرى في ليل اظلم ومضماه = في ليل اظلم والركايب محاميل


فيه الكرم للضيف لاجاه يلقاه = دثر الشحم حطه مع البن والهيل


انا اشهد ان المدح بالعود يزهاه = لاحل ذكر العود ماقالوا بخيل


ماقدمت يمناه لعل يلقاه = في ساعة تكتب جميع المحاصيل


امنول لياجيت بالصوح انصاه = واليوم اشوف البيت ماله مداهيل


مابـاقـي الاكـود بـيتـه وذكراه = واحالي اللي مابقالي منه حيل


ياعم حبك داخل القلب ماانساه = مرحـوم ياعـمي بعيد المـناهــيل


جعل العوض باللي فقدناه نلقاه = بعيـاله اللي يكرمون الرجـاجيـل


واطلب من الله جنة الخلد ماواه = اعـداد مابحـروف طـه وتـنـزيـل


الشاعر فنيس بن سالم الغربي العتيبي [/poem]