وقفات عند نسب راشد الخلاوي

[دغفق الفلاح]

تكمله للموضوع

وهنا القصائد الي كتبت ومدح بها بفخذ الصليلات الدهامشه



ياراكب ن ضمر ن و بكار // مع فجت الصبح يمشني

يلفن على مدهلين الجار// وعلى الصليلات يلفني

يوم انهم سمعوا الاخبار // تسألوا وانشدوا عني

(عبوس)جوني تقل زوار // بمعشرات ن يعــــدني

خلوا على الذهب بيسار // اكثر من اللي غدا مني

عيال علي غريب الدار // جماعتي ماخلفوا ظني

شاعرها (( محمد الدهمشي العنزي ))

وقصيدة ايضا

انخي الرجال اللي على الطيب جسرين

............. لاضاقت الدنيا نخيت الصلـيـلات

لأمن دعاهم داعـين جــوك عجــلــين

............. مثل الفوارس في نهار المثارات

نعم بهم بالوقت الاول وهالحـــــين

............. ما غيرتهم زايفــات الحضارات

شاعرها فواز دخيل العنزي



ومن ملحمة الاديب والنسابه والشاعر عبدالله ابن عبار الفدعاني العنزي

يقول

وصلال بن فـــــلاح جد الصليلات -- جاب المحلف من رجال الشجاعات

ومشعل وعايد يوم عصر القومات -- يتلون زيزوم الجهامـه رميثان

وقال في ملحمة اخرى

والحبشي وابن رميثان // وابن غافل وشعبان // وأبن صليهم وحويضان
وابن منديل صليلات

وهنا قصيده ايضا للشاعر علي بن ملوح الحضيري الصقري العنزي

ويقول بها

جانا سلام اعذب من المي بالنيل \\\ مهدي علينا من شبيه النداوي

الرد منا اللي بغوه الرجاجيل \\\ ماله بقاموس الحكي والقراوي

شفته بمكنون الضماير تماثيل \\\ ودي اترجمها ولا ني بقاوي

الشعر ما يقدر يجيب التفاصيل \\\ يالمحترف خليت للشعر هاوي

لاكن لبو عايد فهد كل تبجيل \\\ فيكم فخرنا عند حد النخاوي

انتم محدده الجمل زين ماقيل \\\ من طيبكم نزداد طيب وهقاوي

لك يالصليلي كاسبين التنافيل \\\ عيال دهمش كلهم بالتساوي

حماسه البن اشقره بالمعاميل \\\ من ضافهم يلقى عذي القهاوي

مدسمين ضيوفهم فطح بالحيل \\\ حظ قصر عنهم مع الناس خاوي

من طيبكم صرنا بعالي المنازيل \\\ والطيب ما ضيع وجاكم قطاوي

صدق غلاكم فلل القلب تفليل \\\ مبينينه بالجهر والنجاوي

من الولي لهم طيور الابابيل \\\ صافي وخالي من الدجل والدعاوي

بالله لا تقطع وصال ومراسيل \\\ تكفى نخيتك يالصليلي نخاوي

شاعرها : علي بن ملوح الحضيري الصقري العنزي

وهنا قصيده ايضا للشاعر فهد عايد الطاثوب العنزي

وتقول القصيده

ياسائلن منهم منين الصليلات \\\ حنا لك الله اصلنا نسل وايل

حنا لك الله من عصور قديمات \\\ تشهد لنا بالطيب كل القبايل

منا مهلهل بالليالي الصعيبات \\\ سبع الخلا شره على كل عايل

وعبدي ولد شعبان نطاح غارات \\\ الفارس القطاع نبع الفعايل

وفهاد والبيحي رجال مروات \\\ هاك القروم مرملين الحلايل

وصياح بن غافل ابذكره بالذات \\\ واسمع قصيده قالها وسط حايل

تنبيك عن فعل العبوس العبارات \\\ واسئل وتلقى العلم يالي تسايل

ماتو لكن ذكرهم حي ما مات \\\ يبقالنا فخر الجدود الاوايل

مبطي ولهذا اليوم رغم الحضارات \\\ عاداتنا يالقرم كسب الجمايل

ناخذ من الدنيا فعول سمينات \\\ ولغيرنا نترك جميع الهزايل

وضحت لك يالقرم في قطعت ابيات \\\ وقولن بلا فعل يجيب الفشايل


للشاعر : فهد عايد الطاثوب

وهنا قصيده ايضا للشاعر : فهد عايد الطاثوب العنزي

دام المراجل مالها عندك قياس \\\ لاني قبيلن لك ولنت بقبيلي

من اول وحنا للامجاد نبراس \\\ ناخذ كثير ولا نحب القليلي

ياما عطينا ما حسبنا للفلاس \\\ نموت ولا قلنا للايام ويلي

طلنا المراجل والكرامه لنا ساس \\\ وثبات لا شفنا المراجل تميلي

الجيل الاول كل فعله مع الناس \\\ تموت وما تلقى الملامه بجيلي

لاباس لو زاد الحجي منك لا باس \\\ الزبد عندي واللبن في صميلي

وان كان حط بليس فيك انت وسواس \\\ بيدت حيل بليس ما باد حيلي

اخذ الكلام الي مثل ضربت الفاس \\\ جنب طريقي لا يغطيك سيلي

ما انحني ابدا ولا اوطي الراس \\\ مادام اشم بالكون ريحت صليلي

للشاعر : فهد عايد الطاثوب

ولو تكلمت ماراح اخلص

واذا كنت تريد اي سؤال فانا حاضر

ويشرفني التسجيل معكم في منتديات عتيبه

واقدم شكري وتقديري لهذا المنتدى الرائع

ولكم مني كل احترام وتقدير

تحياتي لكم


اخوكم : دغفق الفلاح العنزي