اشتاق حبر القلم لمداعب الريشه

[محمد العتيبي]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اشتاق حبر القلـم لمداعـب الريشـه= وأنا هجوسـي براسـي عـام كاتمهـا
وقرّرت أخوض البحر وأطيش مع طيشه= أموت في عزْ... والاّ الدانـه اغنمهـا
أمّا ثبت مركبـي وارحنتنـي العيشـه= وغابت هواجيـس نفسـي لاتحطّمهـا
والاّ تركـت المجـال يزيـد تشويشـه= مالي ومال اجهـزة عطـلان سستمهـا
ما يقتنـع صاحـب المبـدأ بتطنيشـه= حتـى يشـوف الحقايـق ويتفهمـهـا
والحر يفخـر بصيـده فـي مغابيشـه= نفسه على العز.. صاينهـا ومكرمهـا
والشعر ميراث من صغري وأنا أعيشه= لعبـه براسـي وأحللّهـا واترجمـهـا
ما استورد القاف من صنعا.. ولا بيشه= لو كان أهلها.. بيوت الشعـر تحكمهـا
وإن شفت لي شاعري فزونفض ريشه= قلت الله اللي عقـول النـاس قسمهـا
عن ساحة الشعر ما يرضى بتهميشـه= لو ما تسـاوت بيوتـه فـي تناغمهـا
يا بعد نظـم القصايـد عـن مناويشـه= واللي سواته بيـوت الشعـر ظالمهـا
لا صار بالشـوك مـا تنفـع مناقيشـه= يرمـي بهـا فـي جيوبـه لا يليمهـا
واعتز في شاعري.. تروي قناطيشـه= هـذاك اتابـع ادروســه واتعلمـهـا
اللّي اليا دندنت... مـا ينهـزم جيشـه= بيطـار بالنظـم والنـقـاد يفحمـهـا
للمجتمع كلمـة وللعمـر.. تحويشـه= واللـي يخونـه رصيـده لا يدمدمهـا[/poem]
[align=center]الشاعر / خالد الشيباني[/align]