لا صار اااخر من حكم نجد عتبــــان=== لي الفخر لا قلت باني عتـــيــبــي

[نايف بن عرويل]

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
يا اخوان ردوني ترى خاطري شان= بشرب هواها عل جرحي يطيبي

يانجد حبك داخل القلب سكان= ممشاك عن كل الهموم يغديبي

لبــيه بالذعذاع والصبح مابان= اعرضه جاشي ويبرد لهيبي

يااااااااالعنبو لندن على جو لبنان= انتي دواي ومطلبي والطبيبي

ياما على شانك جرى السيح دمان= وياما تعشى من سبايبك ذيبي

يانجد والله ما خذيناك باحسان= ولا تخلوا عنك الناس طيبي

لا والله الى بفعل ذربين الايمان= افعال ما تدخل بشكن وريبي

فعايلن تتضفي على العاقل جنان= لاشاف موته قال ربي حبيبي

حنا ولاتك من بعد عالي الشان= والشمس ما تشرق بليا مغيبي

حنا الفخر حنا مغاوير الازمان=ذل العداء عز النسب والقريبي

اي والله امشي فيك سالي وطربان= والبال رايق والفرح من نصيبي

لا صار اخر من حكم نجد عتبان= لي الفخر لا قلت باني عتيبي[/poem]