والنجر عقب سهيل انا ليه اشيله..

[محمد العتيبي]

[align=center]مشعل الممخور من المغايره من ذوي عطيه من الروقه قال هذه القصيده مرثيه
في ابنه سهيل الذي كان بارا بوالديه وقد توفي في ريعان شبابه:

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياسهيل لو انك تمهلت طيله=لوان بقعا ماعليها قعادي
قدامك العربان تمشي محيله=والعمر يفنى والليالي جدادي
ياسهيل عطني من شراب الثميله=واحرق لي البن الخضر بالجوادي
وينباج من صدري سوات المليله=يازرع قلبي يامضنة فؤادي
والنجر عقب سهيل انا ليه اشيله=جعل الدلال ونجرها للنقادي
اليا بدا نجم اليمن قمت اخيله=وحاربت مما شفت باقي رقادي
واويلدي مبداه راس البتيله=لو ان مبداها طويل وسنادي
واليا بغى درب بليا دليله=سوات ذيب ضاري بالمعادي
واويلدي يشدي لحد الصقيله=مثل الذكر ضاري لصرم الحدادي
واويلدي زاد البيوت البخيله=يجي لها زاد بليا مزادي
يومي لضيفان الخلا في شليله=وان عارضنه قاطعات الرهادي
اتلا العهد به يوم زين مشيله=مدخلٍ وسط الهدوم الجدادي
عسى الخيال اللي يصدق مخيله=يسقي القليب اللي على جال وادي
يعطيه لين يعيل بالماء مسيله=حتى الوضيع اللي قعد به يرادي
عسى عليه الصبح يرجع ظليله=وفئ العصر في يمته بالبرادي[/poem][/align]