جواهر

[الجوهرة]

السلام عليكم ورحمة الله وبركاته

.

.

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنانية ولي قلبٍ ملك فـي داخلـه إحسـاس=قوية شامخة ما اضعف رغم ما قال عذالـي
وبي طبعٍ من أسبابه حسافة يزعلون الناس=أنا أحبابي بهالدنيـا أبيهـم ملكـي لحالـي
ومغرورة غرورٍ في تواضع ماله أي قيـاس=ومع هذا فلا يمكن أزعّـل بالحكـي غالـي
بليدة بس أحيانا ً أصيـر الخافـق الحسـاس=وحيدة وسط هالعالم ودايـم أسهـر لحالـي
( عنيدة ) هذي أكتبها عبارة تتعب الأقواس=عنادٍ بي يضايقني هو اللي مشغلٍ بالي
بريئة كنني طفلة وأشابـه هبـة النسنـاس=ليا من جيت وإليا رحت صرت الريح طوّالـي
و فيني ميزةٍ تندر لو إن الناس قيل أجنـاس=وفيّة ما أرضى بخيانة تعكر جـوي الحالـي
وأحب الليل وبهدوئه أحارب ضجة الهوجـاس=ينام السهد وعيوني تراقـب كيـف أحوالـي
خيالية ولي حلمٍ بواقع صعب ما له سـاس=غرقت بلوعة الذكرى سنينٍ مـا لهـا تالـي
تفاءلت بزمن فيـه التفـاؤل توأمٍ لليـآس=بغيت النور بس إني لقيت العتمة أشوى لـي
عزيزة نفس ما أرضى طرف لي بالغلط ينداس=يا ويل اللي يعاديني وربي فيـه مـا ابالـي
تراه يحق لي ياللي تغالط لا رفعت الـراس=بسولف للثريا والجدي وسهيل عـن حالـي
لو إني جامعة كل التناقض في وسط قرطاس=ولكن في دروب الخير ابمشي وأحسن أعمالي
جواهر اسمي ورسمي وماسة والمداد ألماس=أنا وبرغم هالعالم وراسـي بالسمـا عالـي
[/poem]

.

.

http://www.youtube.com/watch?v=3i2ED...layer_embedded