يالعسكري لا تعترض للمحبين

[الركــن]

قصيده أعجبتني وأحببت أن انقلها لكم

يالعسكري وقفتني يوم الأثنين = لا شك والله مقصدي عارفينه

خلف الهوندا سرعتي فوق ميتين = من شان أشوف الي سحرني بعينه

غروُ غضي يالعسكري كامل الزين = راكب ورى فالمرتبه شايفينه

حيرتني يالعسكري بالبراهين = وتركتني واقف وروحي رهينه

لين العرب قفوا وصارو بعيدين = ولين ادخلو العسكري فالمدينه

ثم قلت لي روح بعد ذقت أنا البين = وخليت روحي فالهوندا سجينه

لا تنشد القلب المولع على وين = لو شفت زوله كان جتك الغبينه

لو شفت يومنه نظر بآخر العين = ما كان حديت القلوب الحزينه

يالعسكري ويني عن الزين هالحين = أقفا عسى الله يسعده في سنينه

لو كنت مأعرف عنه كل العناوين = لكن تولعت أبجماله وزينه

عليه عينٍ لا نظر عين شاهين = وأن سلهمت صار الجسم به سكينه

متعلم درب الهوى بالقوانين = وماسك قلوب أهل العشق في يدينه

حسبي عليه أوما على حالي الشين = وفرقع ضميرٍ بالضلوع المتينه

أرهيت به من دون شكه وتبيين = لكن حداني لين طحت ابكمينه

واللي حداني عنه والناس دارين = جندي من الدوله عسى الله يعينه

بقولها أرساله على غير تدوين = امجرد أختام البيوت الرزينه

يالعسكري لا تعترض للمحبين = خل الهواوي لين يا صل حتينه


وسلامتكم