الشال الابيض والمساء والمقادير

[نوف]

[align=center]


[poem=font="Simplified Arabic,4,red,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
الشال الابيض والمساء والمقادير
والليله اللي مات من هو نساهـا
البنت هذي غير نعناعهـا غيـر
عشقتها عشق النجـوم لسماهـا
يالعنبوها جت تسـوق التباشيـر
جتني وانا اللي ميتٍ من ضماهـا
خيال ماادري حلم ماادري تفاكير
بس الوكاد اني سبحت بفضاهـا
تشيلني وارقى على الغيم واطير
لا الارض تقضبني ولااصل مداها
رسمتها في غيمتيـن ونواويـر
وهي ارسمتني ضحكتين بسناهـا
حاولت ادور للسعـاده تفاسيـر
لقيت حتى الورد ينبـت وراهـا
يسعد صباحك يا صباح العصافير
لا غردت والكون يضحك معاهـا
يا كيفها كيف الـدلال المباهيـر
بيدين من هـم هايميـن بغلاهـا
الذ من شربـة حليـب المغاتيـر
واشهى من الرمان 00000
راح الظلام وودعتني على خيـر
ولولا الحياء رجلي تسابق اخطاها
جف الكلام وضاع صدق التعابير
كله مـن النعنـاع ذاب وخذاهـا
[/poem]
سعد المطلق[/align]