عليك في مفتاح الاقدار نايف

[متعب بن طواله]

[frame="9 70"]
[poem=font="simplified arabic,6,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]
ياهقوتي لاقيظت واحتما الريح= مامن مقيلٍ في رجوم الحتايف
ماتذري الحمْر زوال الصحاصيح= عليك في ظل الطويل المهايف
في فيته عكف المخالب مفاجيح= شيخان قومٍ في صدور المظايف
انصي حجا سنجار ياهابة الريح=عن لاهب الجوزاء ذعاذيع طايف
الله خلق لقفول بقعاء مفاتيح=عليك في مفتاح الاقدار نايف
اللي دماغه ينسف الرعب ويزيح= منه العدو لهو وراء الصين خايف
بحرٍعليه تسير سفن الملاليح=شال الحمل عنها وسارت خفايف
له غبةٍ تخشاه كل السوابيح= وفي جوفه اللولو جميل الوصايف
نهر العطى مروي الكبود المشافيح= اللي لحقها من ضماها كلايف
لوهو على الكرسي بعيد المطابيح=عين الدها تبصر شعوب وطوايف
ياقمة القمه ودونه لواليح=يامودع الارهاب مفلس وعايف
كل الهقاوي تعتزي فيك ياالسيح=بك شمرت ساعد وعظت شفايف
يانهر دجله يافرات الفلاليح=مروي النخيل اللي عذوقه رعايف
الجدي تقدابه هل الفطر الفيح= وجدي الهقاوي لظلم الياس نايف
[/poem]
[/frame]