عوض فرج

[عبدالعزيز الفرج]

قصيدة للشاعر المبدع / عوض فرج العتيبي

أتمنى أن تنال على استحسانكم


بعنوان بعض العرب



[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بعض العرب والله ما أدانيه لله = لو كان مابيني وبينه علاقة
وإلا بعضهم حي زوله وطرياه = لو ما أعرفه بيني وبينه رفاقة
رفاقة(ن) ماهي على المال والجاه = ومداهن أصحاب البشوت الرقاقة
اللي ليا شافوا غني حبوا يداه = ولسفرته ماهم بحاجة بطاقة
من شان ماله كنهم فالمحاماة = لو حظهم من زايد أكله ذواقة
كثر التبرك بالبشر والمغالاة = وعبادة الأصنام باسم الصداقة
من طاح ماء وجهه على شان دنياه = يُكتب معوق في كشوف الإعاقة
طول النظر عند المغفل معاناة = يصك قدمه باب ويفك طاقة
الله ولا قرب الوجيه المهباة = اللي تعلم في لحاها الحلاقة
حنا بوقت(ن) ناقل(ن) داه برداه = والانفتاحية كما الانغلاقة
ما أحد(ن) يقول ان المفاهيم ملغاة = لكن لها ماعاد للناس فاقة
وأنا ما أطالب من هنا بالمساواة = يا أصحابنا ياللي تبون السواقة
كل(ن) من العالم على مالله أعطاه = والضعف إهانة والتكبر حماقة
[/poem]