رآآآحــت فـلآنـــــه ؟؟!!

[فيصل بن جامع]

بسم الله الرحمن الرحيم

صبآح العطور والورد المنثور ..

لآجديد آبدآع يتجلى في قصيدهـ لشآعر آبدع في وصف موقفه بآتقان
آبدع من خلال صيآغة الكلمات وآمتع من خلال آحساس المعآني لقد
آبدع فآمتع .. لله درها من قصيدهـ رائعه لشاعرِ لآعرفه ؟!! " فيصل "

آترككم مع هذه الرائعه :

توقعت البكى: دمع ٍ يغطـي عورتـه منديـل
........... وأثاري لمسة المنديل تنقص من علو شانـه

تأملت المسار اللي بدت فيـه الدمـوع تسيـل
........... إلين إن زلزلت حصن الجفن من ركل بيبانـه

دريت إن الحزن قام يتنكر فـي عبـاة الليـل
........... على هيئة عجوز ٍ من بنات الفكر.. غيرانـه

تريد من الحشى : بيت المواجع والقهر والويل
........... ولاتملك سوى ترديد جملة (( راحت فلانـة ))

وأنا ماكان لي حيلة ولا لي بالخفـى تأويـل
........... مغير اغير الموضوع وأستفسر عن إمكانـه

تقول إن الغرض ترتيب حفل ٍ صاخب ٍ بالحيل
........... على ذكرى وفاة القلب فجأة فـي يـد إنسانـة

أنا ادري يالعجوز إن الجنازة إطلبـت تأجيـل
........... عساها تلتقي خطـوات بنـت ٍ جِـد شفقانـه

لقتني عاشق ٍ كان إيتمنـى للحشـى قنديـل
........... وراحت... خلفت طفل ٍ يصارع ظلمة أحزانه

تسمت قسوة الهجران فيها (( معتقل تكبيل ))
........... تجور ولا نطق عرق ٍ بجسمي قصة لسانـه

تقول إن السهم بالمسرحية لاطعن .... تمثيل
........... وهي تمسح بلاط الصدر من قطـرات دمانـه

الا يابنت وش جابك على درب الخطا والميـل
........... اكيد إن العجوز اللي (( بنتني )) أهدتك خانه

اجل وش جاب منديل الطهارة ساعة التنكيـل
........... لرجل ٍ ماعرف معنى السعادة وسـط خلانـه

يحسب إن البكى : دمع ٍ يغطي عورته منديـل
........... وأثاريه السكون اللي يردد ((( راحت فلانة ))


لكم تحياتي ..