رد النداء + عذب الانفاس

[حامل السيف]

رد الـــنـداء

[poem=font="simplified arabic,5,black,bold,normal" bkcolor="black" bkimage="backgrounds/43.gif" border="double,5,black" type=0 line=0 align=center use=ex num="0,black""]
جتني على كف القدر تقول وش حل الدموع = هذي دموعي كفها وعطيك مني ماتبي
اليوم جيتك فازعه باقي على الملكه سبوع = تقدر تحل المشكله ولا يدي حل اسببي
بالمال باعوني هلي للعود في يوم الربوع = تخاشرو هم والطمع والعود في كثر ذهبي
قلت البقاء رد النداء بالمال ولا بالفزوع = مدام جيتيني فازعه في سد وجهي وشنبي
في سد وجهي وشنبي لسعى وحاول في الرجوع = وسوقها بين العرب وعطيه دونك مايبي
كفي ادموعك يافتا والريح عوا للشموع = واللي كتب في صفحتك مقسوم صلى على النبي[/poem]



عــذب الأنفــاس

[poem=font="simplified arabic,5,black,bold,normal" bkcolor="transparent" bkimage="backgrounds/29.gif" border="double,5,black" type=0 line=0 align=center use=ex num="0,black""]
يابنت هم القلب مايوجع الراس = ماقلت من قلبي على شان راسي
القلب مبنين على الحب من ساس = حطم به التعبير رقمٍ قياسي
واللي حصل مابه جديد على الناس = فكري يعبر عن همومي وباسي
ضاقت بي الدنيا وانا ثابت الساس = ومن الأمل والياس زاد اقتباسي
صار الوضع بالحيل بالحيل منحاس = والله حرم عيني لذيذ النعاسي
عقب الغضي ياطير مافيه مجلاس = ماعاد ابه ياطير بحر او مراسي
ياطير انا بوصيك لاهب نسناس = عليك ياللي سم روحي وناسي
ياطير روح للغضي عذب الانفاس = قله ترى ياطير ماني بناسي
ياطير قله صاخر القاف حساس = وموادعه الشوق مافيه باسي
واختامها مابه جديدٍ على الناس = فكري يعبر عن همومي وباسي[/poem]