العتب .. والمشاريه ...!

[رشيد الكسر]

السلام عليكم وحمة الله وبركاته

اسعد الله جميع اوقاتكم بكل خير ومسرات .. متواضعه آمل ان تحوز على رضاكم .

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
هاتيه قلبي عقب اخذتيه هاتيه = وش لك بقلبي كله احزان وهموم
تكفين انا لا قلت تكفين رديه = ماقلتها اللا غصب عني وملزوم
قبل الملامه .. والعتب .. والمشاريه = اصل الهوى لا ماصفا صار مشئوم
عليه من جور الزمن مايكفيه = ويومه ليا من مرْ كنّه مية يوم
ترى الوفاء رمز الهوى سر صافيه ! = وليا تعكر بين الاحباب مذموم
تدرين واللا جاهله في مباديه ؟ = الحب له عادات يابنت وسلوم
وانتي تماديتي بفعلك واهنتيه = والحب سيفه من فعايلك مثلوم
مبدا سقيم ومنتهي والعزا فيه = ماخفت منه اصبح قدر لي ومحتوم
مجبور انا ارحل يوم قلبي كسرتيه = باوادعك وافراقنا صار مقسوم
ماعاد ابيك وما يجي منك مابيه = الحر لا عاف اعتلا وابعد الحوم
[/poem]

وسلامتكم

اخوكم : رشيد بن شعيفان الكسر